அன்று (2021 நவம்பர் 1) முதல் ஹஜ் 2022-க்கான ஆன்லைன் விண்ணப்ப செயல்முறை தொடங்குகிறது என்று மத்திய சிறுபான்மையினர் நலன் அமைச்சர் திரு முக்தார் அப்பாஸ் நக்வி அறிவித்தார். 2022 ஜனவரி 31 வரை இது நடைபெறும்.
மும்பையிலுள்ள ஹஜ் இல்லத்தில் நடைபெற்ற நிகழ்ச்சியில் பேசிய அவர், குறிப்பிடத்தகுந்த சீர்திருத்தங்கள் மற்றும் மேம்படுத்தப்பட்ட வசதிகளுடன் ஹஜ் 2022 நடைபெறுவதாக கூறினார்.
“சமூக நல்லிணக்கம் மற்றும் பெண்கள் அதிகாரம் மற்றும் பண்டிட் தீன் தயாள் ஸ்மிருதி சம்மான் திட்டம்” நிகழ்ச்சியில் உரையாற்றிய அவர், உள்ளடக்கிய வளர்ச்சிக்கு பல தடைகள் வந்த போதிலும், "வேற்றுமையில் ஒற்றுமை" என்ற நமது பலம் நாடு வளமிக்க பாதையில் முன்னேறுவதை உறுதி செய்துள்ளது என்றார்.
சிறுபான்மையினர் உள்ளிட்ட சமுதாயத்தின் அனைத்து பிரிவினரின், குறிப்பாக நாடு முழுவதுமுள்ள பொருளாதாரத்தில் நலிவடைந்தோர் மற்றும் பின்தங்கியோரின் நலனுக்காக பிரதமரின் மக்கள் ஆரோக்கிய திட்டம், பிரதமரின் முத்ரா திட்டம், பிரதமரின் விவசாயிகள் சம்மான் நிதி, பிரதமரின் உஜ்வாலா திட்டம், பிரதமரின் வீட்டுவசதி திட்டம், பெண் குழந்தைகள் கல்விக்கான திட்டம் உள்ளிட்டவற்றை அரசு செயல்படுத்தி வருகிறது.
மத்திய அரசால் அறிவிக்கப்பட்ட ஆறு சிறுபான்மை சமுதாயத்தினரான இஸ்லாமியர்கள், கிறித்துவர்கள், சீக்கியர்கள், புத்த மதத்தினர், பார்சிக்கள் மற்றும் சமணர்களுக்கான சமூக-பொருளாதார திட்டங்களை சிறுபான்மையினர் நலன் அமைச்சகம் செயல்படுத்தி வருகிறது.
உத்தரப் பிரதேசத்தில் ரேடிகோ கெய்தான் நிறுவனத்தால் நிறுவப்பட்டுள்ள 6 மருத்துவப் பிராணவாயு ஆலைகளில் ராம்பூரின் பிலாஸ்பூரில் உள்ள சமூக மருத்துவ மையத்தில் ஒரு ஆலையை மத்திய சிறுபான்மையின விவகாரங்கள் அமைச்சர் திரு முக்தார் அப்பாஸ் நக்வி இன்று தொடங்கி வைத்தார்.
அப்போது பேசிய அவர், கொரோனா பெருந்தொற்றை எதிர்கொள்வதற்காக பிரதமர் திரு நரேந்திர மோடி மேற்கொண்டுள்ள பல்வேறு நடவடிக்கைகளினால் பிரதம மந்திரியின் குடிமக்களுக்கான உதவி மற்றும் நிவாரணத்தின் (பிஎம் கேர்ஸ்) மூலம் சுமார் 1500 மருத்துவப் பிராணவாயு ஆலைகள் நாடு முழுவதும் நிறுவப்பட்டிருப்பதாகத் தெரிவித்தார்.
நாட்டின் கிராமப்புற மற்றும் தொலைதூரப் பகுதிகளில் கொரோனா தடுப்பு மருந்து வழங்கல் குறித்த விழிப்புணர்வை உருவாக்கும் வகையிலும், தடுப்பு மருந்து குறித்து சிலர் பரப்பி வரும் வதந்திகள் மற்றும் தவறான தகவல்களை முறியடிக்கவும், தேசிய அளவில் பிரச்சாரம் மேற்கொள்ளப்படும் என்று அமைச்சர் மத்திய சிறுபான்மையினர் நல அமைச்சர் திரு முக்தார் அப்பாஸ் நக்வி இன்று கூறினார்.
'ஜான் ஹை தோ ஜஹான் ஹை' எனும் இந்த பிரச்சாரம் 2021 ஜூன் 21 அன்று, பல்வேறு சமூக-கல்வி இயக்கங்கள், அரசு சாரா தொண்டு நிறுவனங்கள் மற்றும் மகளிர் சுய உதவி குழுக்கள் ஆகியோருடன் இணைந்து தொடங்கப்படும் என்று அவர் மேலும் தெரிவித்தார்.
“எங்களது ஏற்பாடுகளை நாங்கள் செய்திருந்தாலும், சவுதி அரேபிய அரசின் முடிவின் படி நாங்கள் செயல்படுவோம். இரு நாடுகள் மற்றும் ஒட்டுமொத்த மனித குலத்தின் ஆரோக்கியமும், நல்வாழ்வுமே இந்தியாவின் முன்னுரிமை ஆகும்,” என்று கூட்டத்திற்கு பிறகு செய்தியாளர்களிடம் பேசிய திரு நக்வி தெரிவித்தார்.
