11-ஆவது பிரிக்ஸ் அறிவியல் மற்றும் தொழில்நுட்ப வழிகாட்டு குழு கூட்டத்தில் புதுமையான கண்டுபிடிப்புகளுக்கு ஒத்துழைப்பை அளிக்க பிரிக்ஸ் நாடுகள் ஒருமனதாக சம்மதம் தெரிவித்துள்ளன. இந்தியா முன்வைத்துள்ள இந்தத் திட்ட முன்மொழிவு, பிரிக்ஸ் அறிவியல், தொழில்நுட்பம் மற்றும் புதிய கண்டுபிடிப்புகளுக்கான தொழில் முனைவு பணிக்குழுவில் ஏற்றுக்கொள்ளப்பட்டு விரிவான செயல்திட்டம் குறித்து விவாதிக்கப்படும்.
சர்வதேச யோகா தினக் கொண்டாட்டங்களின் ஒரு பகுதியாக நியூயார்க்கின் டைம்ஸ் ஸ்கொயரில் யோகா, முழுமையான சுகாதாரம், ஆயுர்வேதம் மற்றும் ஆரோக்கியத்தை பிரதிபலிக்கும் வகையிலான நிகழ்ச்சிகளுக்கு நியூயார்க்கில் உள்ள இந்திய தூதரகம் ஏற்பாடு செய்திருந்தது. நியூயார்க்கில் பிரசித்திபெற்ற பகுதியில் நடைபெற்ற இந்த நிகழ்ச்சியில் சுமார் 3000 பேர் கலந்து கொண்டனர்.
நோய் எதிர்ப்பு ஆற்றலை அதிகரிக்கும் பொருட்கள் மற்றும் ஆயுர்வேத பொருட்கள் முதலியவற்றை உள்ளடக்கிய தனித்துவம் வாய்ந்த இயற்கையான பழங்குடிப் பொருட்களைக் காட்சிப்படுத்தியிருந்த அரங்கு அனைவரின் கவனத்தையும் ஈர்த்தது.
பிரேசில், ரஷ்யா, இந்தியா, சீனா மற்றும் தென் ஆப்பிரிக்கா ஆகிய நாடுகள் உறுப்பினராக உள்ள பிரிக்ஸ் அமைப்பின் செயற்குழு கூட்டம் கடந்த மே 25 மற்றும் 26ம் தேதிகளில் காணொலி வாயிலாக நடைப்பெற்றது. இதில் பிரிக்ஸ் நாடுகளைச் சேர்ந்த ஆராய்ச்சியாளர்கள், கல்வியாளர்கள், அரசு அதிகாரிகள் என 60 பேர் கலந்து கொண்டனர்.
