கொரோனா பெருந்தொற்று சராசரி நடைமுறைகளை பாதித்துள்ளதாகவும், எனவே ஃபிட் இந்தியா இயக்கத்தின் முக்கியத்துவம் பல மடங்கு அதிகரித்துள்ளது.- திரு தர்மேந்திர பிரதான்

 விளையாட்டு மற்றும் உடல்நலம் குறித்த நாடு தழுவிய முதல் வினாடி வினாவான ஃபிட் இந்தியா வினாடி வினா போட்டியை  மத்திய கல்வி அமைச்சர் திரு தர்மேந்திர பிரதான் மற்றும் மத்திய இளைஞர் நலன் மற்றும் விளையாட்டு அமைச்சர் திரு அனுராக் தாகூர் ஆகியோர் புதுதில்லியில் இன்று தொடங்கி வைத்தனர்.

இளைஞர் நலன் மற்றும் விளையாட்டு இணை அமைச்சர் திரு நிசித் பிரமானிக்கும் நிகழ்ச்சியில் கலந்து கொண்டார். டோக்கியோ ஒலிம்பிக் வெற்றி வீரர்கள் நீரஜ் சோப்ரா மற்றும் பி வி சிந்து ஆகியோர் காணொலி மூலம் பங்கேற்றனர். பள்ளி குழந்தைகளும் கலந்து கொண்டனர்.

புதிய கல்விக் கொள்கை 2020, சர்வதேச அறிவுசார் வல்லரசாக இந்தியாவை மாற்றும்.- மத்திய கல்வி அமைச்சர் திரு தர்மேந்திர பிரதான்

 புதிய கல்விக் கொள்கை 2020, சர்வதேச அறிவுசார் வல்லரசாக இந்தியாவை மாற்றும் என்று மத்திய கல்வி மற்றும் திறன் மேம்பாட்டு அமைச்சர் திரு தர்மேந்திர பிரதான் கூறியுள்ளார். கல்வி ஆராய்ச்சி மற்றும் பயிற்சிக்கான தேசிய கவுன்சிலின் (என்சிஇஆர்டி) 61-ஆவது நிறுவன தின நிகழ்ச்சியில் காணொலி வாயிலாகப் பேசுகையில் அமைச்சர் இதனைத் தெரிவித்தார். மத்திய கல்வி இணை அமைச்சர்கள் திரு சுபாஷ் சர்கார், டாக்டர் ராஜ்குமார் ரஞ்சன் சிங், அமைச்சகம் மற்றும் என்சிஇஆர்டி நிறுவனத்தின் மூத்த அதிகாரிகள் நிகழ்ச்சியில் கலந்து கொண்டனர். 

21-ம் நூற்றாண்டுக்கான தற்சார்பு இந்தியாவை வழிநடத்துபவர்களாக இளைஞர்கள் இருப்பார்கள்.- திரு தர்மேந்திர பிரதான்

 தேசத்திற்கே முன்னுரிமை எனும் உணர்வோடு, 21-ம் நூற்றாண்டுக்கான தற்சார்பு இந்தியாவை வழிநடத்துபவர்களாக இளைஞர்கள் இருப்பார்கள் என்று மத்திய கல்வி அமைச்சர் திரு தர்மேந்திர பிரதான் கூறினார். ஐஐடி-புவனேஸ்வரில் புஷ்பகிரி அரங்க வளாகம் மற்றும் ரிஷிகுல்யா தங்கும் வளாகம் ஆகியவற்றை திறந்து வைத்து பேசிய அவர் இவ்வாறு கூறினார்.

ஐஐடி-புவனேஸ்வர் இயக்குநர் பேராசிரியர் ஆர் வி ராஜகுமார் மற்றும் புவனேஸ்வர் திறன் மேம்பாட்டு நிறுவனத்தின் தலைவர் திரு ரஞ்சன் குமார் மொகபத்ரா ஆகியோருக்கிடையேயான புரிந்துணர்வு ஒப்பந்தம் ஒன்றும் இந்நிகழ்ச்சியில் அமைச்சரின் முன்னிலையில் கையெழுத்தானது.

நாட்டிலுள்ள உயர் கல்வி நிறுவனங்கள் உலகத் தரத்தை எட்டுவதற்காக அவற்றுக்கு அதிகாரமளிப்பதற்கு இந்திய அரசு உறுதி பூண்டுள்ளது.- மத்திய கல்வி அமைச்சர் திரு தர்மேந்திர பிரதான்

நாடாளுமன்றத்தின் மாநிலங்களவையில் கேள்விகளுக்கு பதிலளித்த மத்திய கல்வி அமைச்சர் திரு தர்மேந்திர பிரதான் கீழ்காணும் தகவல்களை அளித்தார். 

நாட்டிலுள்ள உயர் கல்வி நிறுவனங்கள் உலகத் தரத்தை எட்டுவதற்காக அவற்றுக்கு அதிகாரமளிப்பதற்கு இந்திய அரசு உறுதி பூண்டுள்ளது. இந்த நோக்கத்தில் 2017-ம் ஆண்டு தொடங்கப்பட்ட உலகத் தர கல்வி நிறுவனங்கள் திட்டம், அரசு மற்றும் தனியார் துறையில் இருந்து தலா 10 கல்வி நிறுவனங்களில் உலகத் தரம் வாய்ந்த கல்வி மற்றும் ஆராய்ச்சி வசதிகளை ஏற்படுத்தி அவற்றுக்கு உயர்சிறப்பு நிறுவன அந்தஸ்து வழங்குவதை நோக்கமாக கொண்டது ஆகும்.

கல்வி அனைவருக்கும் சமமாக கிடைப்பதை உறுதி செய்ய மத்திய அரசு பல நடவடிக்கைகளை எடுத்துள்ளதாக மாநிலங்களவையில் மத்திய கல்வி அமைச்சர் திரு தர்மேந்திர பிரதான் தெரிவித்தார்.

 கல்வி அனைவருக்கும் சமமாக கிடைப்பதை உறுதி செய்ய மத்திய அரசு பல நடவடிக்கைகளை எடுத்துள்ளதாக மாநிலங்களவையில் மத்திய கல்வி அமைச்சர் திரு தர்மேந்திர பிரதான் தெரிவித்தார்.

அவர் மாநிலங்களவையில் இன்று எழுத்துப்பூர்வமாக தாக்கல் செய்த பதிலில் கூறியதாவது:

குழந்தைகளின் இலவச மற்றும் கட்டாய கல்வி உரிமை சட்டம் 2009 (RTE), 6 முதல் 14 வயது குழந்தைகளுக்கு அருகில் உள்ள பள்ளியில் இலவச மற்றும் கட்டாய கல்வியை,  சம்பந்தப்பட்ட  அரசுகள் வழங்குவதை உறுதி செய்கிறது.  கொவிட் தொற்று காலத்தில், குழந்தைகளுக்கு தொலை தூரத்தில் இருந்து கல்வி கிடைப்பதற்கு, மத்திய கல்வி அமைச்சகம் பல நடவடிக்கைகளை எடுத்தது.

பிரதமரின் கௌஷல் விகாஸ் யோஜனாவின் கீழ் 1.09 கோடி நபர்களுக்கு பயிற்சி வழங்கப்பட்டது. - தொழில்முனைதல் அமைச்சர் திரு தர்மேந்திர பிரதான்

திறன் வளர்த்தல் மற்றும் தொழில்முனைதல் அமைச்சகத்தின் முதன்மை திட்டமான பிரதமரின் கௌஷல் விகாஸ் யோஜனா 2.0-வின் (2016-2020) கீழ், ஒரு கோடி நபர்களுக்கு பயிற்சி அளிப்பதற்கான இலக்கு நிர்ணயிக்கப்பட்டது. 1.09 கோடி நபர்களுக்கு பயிற்சி வழங்கப்பட்டது.

2021 ஜனவரி 15 அன்று தொடங்கப்பட்ட பிரதமரின் கௌஷல் விகாஸ் யோஜனா 3.0-வின் (2020-2022) கீழ், 8 லட்சம் பேருக்கு பயிற்சி வழங்க இலக்கு நிர்ணயிக்கப்பட்டு, 1.2 லட்சம் பேருக்கு இது வரை பயிற்சி வழங்கப்பட்டுள்ளது. பயிற்சி/சான்றிதழ் பெற்றவர்களுக்கு வேலைவாய்ப்புகளை வழங்க பல்வேறு நடவடிக்கைகள் எடுக்கப்பட்டு வருகின்றன.

கொவிட்-19 காரணமாக பள்ளிக்கல்வியை கைவிட்ட மற்றும் பெற்றோரை இழந்த குழந்தைகளுக்கு ஆதரவளிக்க அரசு எடுத்த நடவடிக்கைகள்.- திரு தர்மேந்திர பிரதான்

 நாடாளுமன்றத்தின் மக்களவையில் கேட்கப்பட்ட கேள்விகளுக்கு எழுத்துப்பூர்வமாக பதிலளித்த மத்திய கல்வி அமைச்சர் திரு தர்மேந்திர பிரதான், கீழ்கண்ட தகவல்களை அளித்தார்.

மாநிலங்கள்/யூனியன் பிரதேசங்களால் அடையாளம் காணப்பட்ட, பள்ளியில் இருந்து இடைநின்ற குழந்தைகள் குறித்த தகவல்களை திரட்டவும், பிரபந்த் தளத்தில் உள்ள சிறப்பு பயிற்சி மையங்களோடு அவர்களை இணைக்கவும் ஆன்லைன் முறை ஒன்றை பள்ளிக் கல்வி மற்றும் படிப்பறிவு துறை உருவாக்கியுள்ளது.

புதுமைகள், தொழில்முனைதல், தனிநபர் அறிவுசார் சொத்துரிமை, வடிவமைப்பு சிந்தனை, பொருள் உருவாக்கம், சிந்தனை உருவாக்கம் ஆகியவற்றில் 50,000 ஆசிரியர்களுக்கு பயிற்சி அளிக்கப்படும்.- திரு தர்மேந்திர பிரதான்

 மத்திய கல்வி அமைச்சர் திரு தர்மேந்திர பிரதான் மற்றும் மத்திய பழங்குடியினர் நலன் அமைச்சர் திரு அர்ஜுன் முண்டா ஆகியோர் இணைந்து 50,000 ஆசிரியர்களுக்கான ‘பள்ளி புதுமை தூதர் பயிற்சி திட்டத்தை’ இன்று துவக்கி வைத்தனர்.

இணை அமைச்சர்கள் திருமதி அண்ணப்பூர்ணா தேவி, திரு ராஜ்குமார் ரஞ்சன் சிங் மற்றும் டாக்டர் சுபாஸ் சர்கார் மற்றும்

கல்வி அமைச்சகத்தின் மின்னணு கல்வி முன்முயற்சிகள் குறித்து மத்திய அமைச்சர் திரு தர்மேந்திர பிரதான் ஆய்வு

 மத்திய கல்வி அமைச்சர் திரு தர்மேந்திர பிரதான், பிரதமரின் இ-வித்யா, தேசிய மின்னணு கல்வி கட்டமைப்பு, ஸ்வயம் போன்ற கல்வி அமைச்சகத்தின் மின்னணு கல்வி முன்முயற்சிகள் பற்றி ஆய்வு செய்தார். இணை அமைச்சர்கள் திருமதி அன்னபூர்ணா தேவி, திரு ராஜ்குமார் ரஞ்சன் சிங், டாக்டர் சுபாஷ் சர்கார் ஆகியோரும் இந்தக் கூட்டத்தில் கலந்துகொண்டனர். அமைச்சகத்தைச் சேர்ந்த மூத்த அதிகாரிகள் இந்த முன்முயற்சிகள் பற்றி அமைச்சர்களுக்கு விளக்கமளித்தனர்.

கொவிட்-19 விதிமுறைகளை கடுமையாக பின்பற்றி 2021 செப்டம்பர் 12 அன்று நீட் (இளநிலை) தேர்வு நடைபெறும்.- மத்திய கல்வி அமைச்சர் திரு தர்மேந்திர பிரதான்

 நீட் (இளநிலை) தேர்வு 2021, 12 செப்டம்பர் 2021 அன்று கொவிட்-19 விதிமுறைகளை பின்பற்றி நாடு முழுவதும் நடைபெறும் என்று மத்திய கல்வி மற்றும் திறன் வளர்த்தல் & தொழில் முனைதல் அமைச்சர் திரு தர்மேந்திர பிரதான் இன்று அறிவித்தார்.

இது குறித்து தமது டிவிட்டர் பக்கத்தில் பதிவிட்டுள்ள அவர், நீட் தேர்வுக்கு விண்ணப்பிக்கும் செயல்முறை நாளை மாலை 5 மணிக்கு தேசிய தேர்வு முகமையின் இணையதளத்தில் தொடங்கும் என்று தெரிவித்தார்.

கர்நாடகாவில் பிராணவாயு உற்பத்தி ஆலைகள் உள்ளிட்ட ஏராளமான திட்டங்களைத் திறந்து வைத்தார் மத்திய அமைச்சர் திரு தர்மேந்திர பிரதான்

 மத்திய எஃகு மற்றும் பெட்ரோலியம், இயற்கை எரிவாயு அமைச்சர் திரு தர்மேந்திர பிரதான், பொதுத்துறை நிறுவனமான குதிரேமுக் இரும்புத்தாது நிறுவனத்தால் கர்நாடகாவில் மேற்கொள்ளப்பட்டுள்ள ஏராளமான திட்டங்களை இன்று தொடங்கி வைத்தார். ஒரு பிராணவாயு உற்பத்தி ஆலை, அரசு மருத்துவமனையில் 50 படுக்கைகள், 5 மெகாவாட் திறன் கொண்ட சூரிய ஒளிசக்தி ஆலை முதலியவை இதில் அடங்கும். மத்திய எஃகு இணை அமைச்சர் திரு ஃபக்கன்சிங் குலஸ்தேவும்  நிகழ்ச்சியில் கலந்து கொண்டார்.

எஃகு அமைச்சர் திரு தர்மேந்திர பிரதான் மற்றும் மத்தியப் பிரதேச முதல்வர் திரு சிவராஜ்சிங் சவுகான் ஆகியோர் அம்மாநிலத்தின் சாகர் மாவட்டத்தில் உள்ள பினாவில் தற்காலிக கொவிட் மருத்துவமனையை திறந்து வைத்தனர்.

 

மத்திய பெட்ரோலியம் & இயற்கை எரிவாயு மற்றும் எஃகு அமைச்சர் திரு தர்மேந்திர பிரதான் மற்றும் மத்தியப் பிரதேச முதல்வர் திரு சிவராஜ்சிங் சவுகான் ஆகியோர் அம்மாநிலத்தின் சாகர் மாவட்டத்தில் உள்ள பினாவில் தற்காலிக கொவிட் மருத்துவமனையை திறந்து வைத்தனர்.

200 ஆக்சிஜன் படுக்கைகள் கொண்ட இந்த மிகப்பெரிய கொவிட்-19 மருத்துவமனை பாரத் பெட்ரோலியம் நிறுவனத்தின் பினா சுத்திகரிப்பு ஆலைக்கு அருகே அமைந்துள்ளது. பாரத் பெட்ரோலியம் நிறுவனத்தின் துணை நிறுவனமான பாரத் ஓமன் ரிஃபைனரீஸ் இம்மருத்துவமனைக்கு ஆக்சிஜன் வழங்கும்.

சர்வதேச அளவிலான ஏலப்போட்டிக்கு, புதிதாக கண்டறியப்பட்ட எண்ணெய் வயலின்(DSF) மூன்றாவது கட்ட ஏலம் மத்திய பெட்ரோலியத்துறை அமைச்சர் திரு தர்மேந்திர பிரதான் தலைமையில் தொடங்கி வைக்கப்பட்டது.

 சர்வதேச அளவிலான ஏலப்போட்டிக்கு, புதிதாக கண்டறியப்பட்ட எண்ணெய் வயலின்(DSF) மூன்றாவது கட்ட ஏலம் மத்திய பெட்ரோலியத்துறை அமைச்சர் திரு தர்மேந்திர பிரதான் தலைமையில் இன்று தொடங்கி வைக்கப்பட்டது.

காணொலி மூலம் நடந்த இந்நிகழ்ச்சியில் கண்டுபிடிப்பு மற்றும் உற்பத்தி துறையைச் சேர்நத 450 பேர் கலந்து கொண்டனர். இந்நிகழ்ச்சியில் பேசிய மத்திய அமைச்சர் திரு தர்மேந்திர பிரதான் கூறியதாவது:

டிஎஸ்எப் ஒன்று மற்றும் இரண்டாவது திட்டம் உட்பட இயற்கை வளங்களை விரைவில் பணமாக்கும் புதிய வழிகளை ஹைட்ரோ கார்பன் மற்றும் பெட்ரோலியத்துறை அமைச்சகத்தின் தலைமை இயக்குனர் உருவாக்க வேண்டும். மக்கள் நலனுக்காக, இயற்கை வளங்களை பணமாக்கும் திட்டத்தை விரைவில் மேற்கொள்ள வேண்டும். இயற்கை வளங்களை திறந்து விடுவதில், 3வது கட்ட டிஎஸ்எப் ஏலம், முக்கியமான நடவடிக்கை.

இயற்கை எரிவாயு மற்றும் எஃகு அமைச்சர் திரு தர்மேந்திர பிரதான், கெயில் குழுமத்தின் 201 இயற்கை எரிவாயு நிலையங்களைத் தொடங்கிவைத்து நாட்டிற்கு அர்ப்பணித்தார்.

 மத்திய பெட்ரோலியம் மற்றும் இயற்கை எரிவாயு மற்றும் எஃகு அமைச்சர் திரு தர்மேந்திர பிரதான், கெயில்  குழுமத்தின் 201 இயற்கை எரிவாயு நிலையங்களைத் தொடங்கிவைத்து நாட்டிற்கு அர்ப்பணித்தார்.  ஜான்சியில் குழாய் வழி எரிவாயுத் திட்டம் மற்றும் ராய்கடில் வாகனங்களுக்கான நடமாடும் எரிவாயு நிரப்பும் பிரிவுகளையும் திரு பிரதான் தொடங்கி வைத்தார்.

ஜான்சியில் குழாய் வழி எரிவாயுத் திட்டத்தின் பயனாளிகளுடன் திரு தர்மேந்திர பிரதான் உரையாடுகையில், தடையற்ற எரிவாயு தங்களது வீடுகளுக்கு வழங்கப்படுவதற்கு அவர்கள் மகிழ்ச்சி தெரிவித்தனர். ராய்கட் மற்றும் தில்லியில் உள்ள நடமாடும் எரிவாயு நிரப்பும் பிரிவுகளை இயக்குபவர்களுடன் அமைச்சர் கலந்துரையாடியதுடன், இந்தப் பிரிவுகளில் இருந்து வாகனங்களுக்கு இயற்கை எரிவாயு நிரப்பப்படுவதையும் பார்வையிட்டார்.  இன்று தொடங்கிவைக்கப்பட்ட நடமாடும் எரிவாயு நிரப்பும் பிரிவுகள், ஐஜிஎல் மற்றும் மகாநகர் எரிவாயு நிறுவனத்திற்கு சொந்தமானவையாகும்.

விசாகப்பட்டினத்தில் உள்ள ராஷ்ட்ரிய இஸ்பத் நிகாம் நிறுவனத்தின் (RINL’s ) எஃகு ஆலை அமைத்துள்ள 300 ஆக்ஸிஜன் படுக்கைகளுடன் கூடிய மிகப் பெரிய கொவிட் சிகிச்சை மையத்தை மத்திய அமைச்சர் திரு தர்மேந்திர பிரதான் நாட்டுக்கு அர்ப்பணித்தார்

 

விசாகப்பட்டினத்தில் உள்ள ராஷ்ட்ரிய இஸ்பத் நிகாம் நிறுவனத்தின் (ஆர்ஐஎன்எல்) எஃகு  ஆலை அமைத்துள்ள 300 ஆக்ஸிஜன் படுக்கைகளுடன் கூடிய மிகப் பெரிய கொவிட் சிகிச்சை மையத்தை பெட்ரோலியத்துறை அமைச்சர் திரு தர்மேந்திர பிரதான் நாட்டுக்கு அர்ப்பணித்தார்.

காணொலி காட்சி மூலம் நடந்த இந்த விழாவில், எஃகு துறை இணையமைச்சர் ஃபகன் சிங் குலாஸ்தே, ஆந்திர துணை முதல்வர் மற்றும் சுகாதாரத்துறை அமைச்சர் திரு ஏ. காளி கிருஷ்ணா சீனிவாஸ், மத்திய அரசு மற்றும் ஆர்ஐஎன்எல் அதிகாரிகள் கலந்து கொண்டனர். 

மத்திய பெட்ரோலியம் மற்றும் இயற்கை எரிவாயு மற்றும் எஃகு அமைச்சர் தர்மேந்திர பிரதான் இன்று 56 சி.என்.ஜி நிலையங்களை தேசத்திற்காக அர்ப்பணித்தனர்.

 மத்திய பெட்ரோலியம் மற்றும் இயற்கை எரிவாயு மற்றும் எஃகு அமைச்சர் தர்மேந்திர பிரதான் இன்று 56 சி.என்.ஜி நிலையங்களை தேசத்திற்காக அர்ப்பணித்தனர். இந்த சிஎன்ஜி நிலையங்கள் பீகார், குஜராத், ஹரியானா, ஜார்க்கண்ட், கேரளா, மத்தியப் பிரதேசம், மகாராஷ்டிரா, பஞ்சாப், ராஜஸ்தான், உத்தரபிரதேசம், உத்தரகண்ட், மேற்கு வங்கம் மற்றும் ஆந்திரா ஆகிய 13 மாநிலங்களிலும், சண்டிகரின் ஒரு யூனியன் பிரதேசத்திலும் அமைந்துள்ளது.

இந்தியாவின் வளர்ச்சிக் கதையில் உள்ள மிகப் பெரிய வாய்ப்பை பயன்படுத்திக் கொள்ளுமாறு அமெரிக்க முதலீட்டாளர்களுக்கு திரு. தர்மேந்திர பிரதான் அழைப்பு

17 ஜூலை, 2020 அன்று நடைபெறவிருக்கும் இந்திய மற்றும் அமெரிக்க உத்திசார் எரிசக்தி கூட்டணியின் இரண்டாவது அமைச்சர்கள் கூட்டத்துக்கு முன்னதாக, அமெரிக்க-இந்திய வர்த்தக சபை புதன்கிழமை அன்று ஏற்பாடு செய்த தொழில் துறை அளவிலான உரையாடலுக்கு அமெரிக்க எரிசக்தி செயலாளர், மேன்மைமிகு டான் பிரவுல்லெட் உடன் இணைந்து மத்திய பெட்ரோலிய, இயற்கை எரிவாயு மற்றும் எஃகு அமைச்சர், திரு. தர்மேந்திர பிரதான் தலைமை தாங்கினார். மேலும், அமெரிக்க-இந்திய உத்திசார் எரிசக்தி கூட்டணி ஏற்பாடு செய்த தொழில் துறை அளவிலான உரையாடலுக்கும் அமைச்சர் தனியாக தலைமை வகித்தார்.

பெட்ரோலிய மற்றும் இயற்கை எரிவாயு அமைச்சக செயலாளர், திரு.தருண் கபூர், அமெரிக்காவுக்கான இந்திய தூதர், திரு. தரண்ஜித் சந்து, எரிசக்தி தொடர்பான இந்திய மற்றும் அமெரிக்க அரசுகளின் பல்வேறு அமைச்சகங்களின் பிரதிநிதிகள் மற்றும் இந்திய மற்றும் அமெரிக்க நிறுவனங்களின் பிரதிநிதிகள் ஆகியோர் இந்த மெய்நிகர் கூட்டத்தில் பங்கேற்றனர்.

மாண்புமிகு பிரதமர் திரு.நரேந்திர மோடியின் தொலைநோக்குப் பார்வையின் ஒரு அங்கமாக இந்த ஒப்பந்தம் உள்ளது.- திரு தர்மேந்திர பிரதான்

மத்திய பெட்ரோலியத்துறை அமைச்சர் திரு தர்மேந்திர பிரதான் இந்தியாவின் உஜ்வாலா அனுபவம் வங்கதேசத்தில் சமூக மாற்றத்திற்கு கிரியா ஊக்கியாக இருக்கும் என்கிறார்

துபாயில் அமைந்துள்ள இந்தியன் ஆயில் கழகத்தின் துணைநிறுவனமான ஐஓசி மத்திய கிழக்கு, எஃப்.இசட்.இ என்ற நிறுவனத்துக்கும் பெக்சிம்கோ குழுமத்தின் ஆர்.ஆர். ஹோல்டிங்ஸ் லிமிடெட்டுக்கும் இடையிலான கூட்டுத்தொழில் ஒப்பந்தம் கையெழுத்திடப்படும் நிகழ்ச்சியில் செவ்வாய்கிழமை அன்று மத்திய பெட்ரோலியம், இயற்கை எரிவாயு மற்றும் எஃகுத் துறை அமைச்சர் திரு தர்மேந்திர பிரதான் கலந்து கொண்டார். இந்த நிகழ்ச்சி வங்கதேசத்தின் மாண்புமிகு பிரதம மந்திரியின் ஆலோசகர் மதிப்புமிகு சல்மான் ஃபஸ்லூர் ரகுமான் மற்றும் வங்கதேசத்தின் மின்சக்தி, எரிசக்தி மற்றும் கனிம மூலவளத் துறைகளின் இணையமைச்சர் மதிப்புமிகு நஸ்ருல் ஹமித் ஆகியோர் முன்னிலையில் நடைபெற்றது.  இந்தக் கூட்டு ஒப்பந்தத்தின் மூலமாக பெக்சிம்கோவுடன் இணைந்து ஐஓசிஎல் வங்கதேசம் மற்றும் இதர நாடுகளில் ஊரக அளவில் வர்த்தகத்தை விரிவுபடுத்தத் திட்டமிடும்.

இந்தியாவை எரிசக்தித் துறையில் சுயசார்பு கொண்ட நாடாக மாற்றும் இலக்கை எட்டுவதற்கும், மாண்புமிகு பிரதமரின் சுயசார்புள்ள இந்தியா தொலைநோக்குப் பார்வையை நிறைவு செய்வதற்கும் இது ஒரு பெரிய அளவிலான திட்டம்.-தர்மேந்திர பிரதான்

திரு.தர்மேந்திர பிரதான், ஃபரிதாபாத்தில் இந்திய எண்ணெய் நிறுவனத்தின் ஆராய்ச்சி மற்றும் மேம்பாட்டு வளாகத்தை திறந்து வைத்தார்

பெட்ரோலியம், இயற்கை எரிவாயு மற்றும் எஃக்குத்துறை  அமைச்சர் திரு.தர்மேந்திர பிரதான், ஹரியானா மாநில முதலமைச்சர் திரு.மனோகர் லால் உடன், இணைந்து இந்திய எண்ணெய் நிறுவனத்தின் அதிநவீன தொழில்நுட்ப மேம்பாடு மற்றும் அதன் திறனை  செயல்படுத்தும் மையத்தை இன்று திறந்து வைத்தார். ஹரியானா மாநிலம் ஃபரிதாபாத்தில் மேலாண்மை மற்றும் தொழில்நுட்ப கழகத்தின் 67-வது துறையில் அமைக்கப்பட்டுள்ள இந்த ஆராய்ச்சி மற்றும் மேம்பாட்டு வளாகம் இரண்டாவது வளாகம் ஆகும். ரூ. 2282 கோடி முதலீட்டில் சுமார் 59 ஏக்கர் பரப்பளவில் இந்த புதிய மையம் அமைக்கப்படுள்ளது. இந்த புதிய வளாகம் இந்திய எண்ணெய் நிறுவனத்தின் ஆராய்ச்சி மற்றும் மேம்பாட்டுப் பிரிவு மேம்படுத்தியுள்ள பல்வேறு தொழில்நுட்பங்கள் குறித்து செயல்விளக்கம் அளிப்பதையும் அதன் திறனை செயல்படுத்துவதையும் நோக்கமாக கொண்டுள்ளது. மேலும் ஃபரிதாபாத்தில் 13-வது துறையில் தற்போது இயங்கி வரும் வளாகத்துடன் இணைந்து இப்புதிய வளாகம் செயல்படும்.

நாட்டில் மின்சார வாகன இயக்கம் அதிகரிக்க தொழில் நுட்பத்தை நாம் மேம்படுத்தவேண்டும்: திரு. தர்மேந்திர பிரதான்

மி்ன் கலம் மாற்றும் வசதி மற்றும் விரைவான பரிமாற்ற சேவை சண்டிகரில் தொடக்கம்

நாட்டில் மின்சார வாகன இயக்கம் அதிகரிக்க தொழில் நுட்பத்தை நாம் மேம்படுத்தவேண்டும்: திரு. தர்மேந்திர பிரதான்

மின்கலம் மாற்றும் வசதி மற்றும் விரைவான பரிமாற்ற சேவையை சண்டிகரில் பஞ்சாப் ஆளுநரும் சண்டிகர் நிர்வாகியுமான திரு வி.பி.சிங் பத்னோர், மத்திய பெட்ரோலியத்துறை, இயற்கை வாயு மற்றும் எஃகு துறை அமைச்சர் திரு. தர்மேந்திர பிரதான் ஆகியோர் இன்று தொடங்கி வைத்தனர். காணொலிக் காட்சி மூலம் நடந்த இந்நிகழ்ச்சியில், பெட்ரோலிய மற்றும் இயற்கை வாயுத்துறை அமைச்சகத்தின் செயலாளர் திரு. தருண் கபூர், இந்தியன் ஆயில் நிறுவன தலைவர் திரு.சஞ்சீவ் சிங், மற்றும் பெட்ரோலியத்துறை அமைச்சகம், சண்டிகர் யூனியன் பிரதேசம், இந்தியன் ஆயில் நிறுவன அதிகாரிகளும் கலந்து கொண்டனர்.