நவம்பர் 15-ம் தேதி கஜா புயல் தமிழகத்தின் கடலோர மற்றும் டெல்டா மாவட்டங்களைச் சூறையாடியது. அப்பகுதிகளில் மிகப்பெரிய சேதத்தை ஏற்படுத்தியுள்ளது.பல லட்சம் வீடுகள் கஜா புயலால் சூறையாடப்பட்டுள்ளது. இந்தப்பகுதிகளில் இருந்த தென்னைமரங்கள் 60 சதவிகிதம் புயலால் சாய்ந்துள்ளன. லட்சக்கணக்கான மக்கள் நிவாரண முகாம்களில் தங்கவைக்கப்பட்டுள்ளனர்.
இந்த நிலையில் பாலிவுட் நடிகர் அமிதாப்பச்சன் கஜா புயல் சேதங்கள் குறித்து பேசிய வீடியோவை கமல்ஹாசன் தன் ட்விட்டர் பக்கத்தில் பதிவிட்டுள்ள கமல்ஹாசன், ‘நன்றி அமித் ஜி. கஜா புயலால் தமிழகத்தில் ஏற்பட்டுள்ள அழிவுகளைத் தெளிவாக விளக்கியுள்ளீர்கள். உங்களுடைய உதவியும் இத்தருணத்தில் தேவைப்படுகிறது. தமிழகத்துக்கு கரம் கொடுங்கள். நம் நாட்டில் பல்வேறு வேற்றுமைகள் இருந்தாலும் உங்களைப் போன்ற மக்கள் அதை இணைக்கும் நூலாக இருக்கின்றனர் நன்றி எனப் பதிவிட்டுள்ளார்.
கருத்துகள் இல்லை:
கருத்துரையிடுக