திரிஷாவின் இளமையின் ரகசியம் கேட்டு அறிந்த ரஜினி

கார்த்திக் சுப்புராஜ் இயக்கத்தில் ரஜினிகாந்த் நடித்திருக்கும் பேட்ட படத்தில் விஜய் சேதுபதி, நவாசுதின் சித்திக், திரிஷா, சிம்ரன், சசிகுமார் நடித்துள்ளனர். 

பேட்ட படத்தின் இசை வெளியீட்டு விழா பிரமாண்டமாக செட் அமைக்கப்பட்டு நடைபெற்றது. இந்த நிகழ்வில், நடிகர் ரஜினிகாந்த், நடிகைகள் சிம்ரன், திரிஷா, நடிகர்கள் பாபி சிம்ஹா, சசிகுமார், சமுத்திரகனி, தயாரிப்பாளர் கலாநிதி மாறன், இசையமைப்பாளர் அனிருத் பங்கேற்றுள்ளனர்

பாடல் வெளியீட்டு நிகழ்ச்சியில் பேசிய ரஜினிகாந்த் ஜித்து என ஒரு கேரக்டர் இருந்தது. அந்த கதாபாத்திரத்தை விஜய் சேதுபதி பண்ண போறார்ன்னு சொன்னதும் நான் மிகவும் மகிழ்ச்சி அடைந்தேன். சிம்ரன் நடிக்கப் போறாங்கன்னு தெரிஞ்சதும் செட் ஜாலியா ஆயிடுச்சு.

நான் பார்த்த நல்ல நடிகர் விஜய் சேதுபதி. அவர், சாதாரண நடிகன் அல்ல. அவர் ஒரு மகா நடிகன். அதைவிட அவர் ஒரு நல மனிதர். ரொம்ப நாள்கள் கழித்து நல்ல நடிகர் உடன் நடித்த அனுபவம். நான், பார்த்த தங்கமான மனிதர் சசிகுமார். திரிஷா முன்பு பார்த்தது போல இருப்பதற்கான ரகசியம் குறித்து கேட்டேன். அவர், யோகா என்று தெரிவித்தார். உண்மையில் யோகா மிகச் சிறந்த கலை.

மனதையும் உடலையும் வலிமையாக வைக்கும். எக்ஸ்ட்ரா என்ற வார்த்தை அருமையான வார்த்தை. எக்ஸ்ட்ரா புகழக் கூடாது. எக்ஸ்ட்ரா பேசக் கூடாது. எக்ஸ்ட்ரா சாப்பிடக் கூடாது. ஒரு குழந்தையை வித விதமாக அலங்காரம் செய்து ரசிப்பதை போல என்னை கார்த்திக் சுப்புராஜ் ரசித்தார். முன்பு போல இல்லை. எனக்கு 69 வயது என்று சொன்னேன். இருந்த போதிலும் ஒவ்வொரு காட்சியும் ரசித்து எடுத்தார் கார்த்திக் சுப்புராஜ். செட்டிலுள்ள அனைவரும் என்னுடைய ரசிகர்களாக இருந்ததால் ரசித்து ரசித்து எடுத்தார்கள்.