கார்த்திக் சுப்புராஜ் இயக்கத்தில் ரஜினிகாந்த் நடித்திருக்கும் பேட்ட படம் பொங்கலுக்கு வெளியாகவுள்ளது. இந்தப் படத்தில் விஜய் சேதுபதி, நவாசுதின் சித்திக், திரிஷா, சிம்ரன், சசிகுமார் உள்ளிட்டோர் இணைந்து நடித்துள்ளனர்.
பாடல் வெளியீட்டு நிகழ்ச்சியில் பேசிய ரஜினிகாந்த் உண்மையில் யோகா மிகச் சிறந்த கலை. மனதையும் உடலையும் வலிமையாக வைக்கும். எக்ஸ்ட்ரா என்ற வார்த்தை அருமையான வார்த்தை. எக்ஸ்ட்ரா புகழக் கூடாது. எக்ஸ்ட்ரா பேசக் கூடாது. எக்ஸ்ட்ரா சாப்பிடக் கூடாது. ஒரு குழந்தையை வித விதமாக அலங்காரம் செய்து ரசிப்பதை போல என்னை கார்த்திக் சுப்புராஜ் ரசித்தார். முன்பு போல இல்லை. எனக்கு 69 வயது என்று சொன்னேன். இருந்த போதிலும் ஒவ்வொரு காட்சியும் ரசித்து எடுத்தார் கார்த்திக் சுப்புராஜ். செட்டிலுள்ள அனைவரும் என்னுடைய ரசிகர்களாக இருந்ததால் ரசித்து ரசித்து எடுத்தார்கள்.
பிறந்தநாள் வரப் போகிறது. கடந்த முறையே ரசிகர்கள் வீட்டுக்கு வந்து ஏமாந்து போனார்கள்.ஆனால், இந்தமுறையில் வீட்டில் இருக்க மாட்டேன். அதனால், ரசிகர்கள் இந்தமுறையும் வீட்டுக்கு வரவேண்டாம். கஜா புயலால் ஏற்பட்ட இழப்பு நினைத்துக் கூட பார்க்க முடியாத பேர் இழப்பு. எல்லோரும் சேர்ந்தால் மட்டுமே அவர்களை மீட்டு வர முடியும். கஜா புயலால் உயிர் இழந்தவர்களுக்கும் பாதிக்கப்பட்ட மக்களுக்கும் நானும் எனது மன்றமும் உதவிகளைச் செய்துள்ளோம். அரசால் மட்டுமே அவர்களை முழுமையாக மீட்க முடியும்’ என்று தெரிவித்தார்.
கருத்துகள் இல்லை:
கருத்துரையிடுக