உள்நாட்டு சுற்றுலாவில் தொடங்கி பயணத்துறையை மறுதொடக்கம் செய்வதற்கான அமைச்கத்தின் திட்டத்தை மத்திய அமைச்சர் பிரஹலாத் சிங் படேல் பகிர்ந்து கொண்டார்

முன்னணி ஆன்லைன் பயண முகவர்கள் (OTA கள்) பிரதிநிதிகள்

 மத்திய சுற்றுலா மற்றும் கலாச்சாரத்துறை அமைச்சர் (பொறுப்பு) 

திரு. பிரஹலாத் சிங் படேலை புதுதில்லியில் இன்று சந்தித்தனர்.

இந்தியாவின் முன்னணி ஆன்லைன் பயண முகவர்கள் (OTA’s) குழு மத்திய வெளியுறவு அமைச்சர் (பொறுப்பு) சுற்றுலா மற்றும் கலாச்சார அமைச்சர் திரு பிரஹலாத் சிங் படேலை இன்று புதுதில்லியில் சந்தித்தது. இந்த சந்திப்பு ஹோட்டல் மற்றும் தங்கும் விடுதிகள் ஆகியவற்றைத் திறப்பதற்கும், ஊரடங்கிற்குப் பின், விடுதி மற்றும் பயணம் தொடர்பான நடவடிக்கைகளுக்கான பாதுகாப்பு மற்றும் சுகாதாரம் குறித்த நெறிமுறைகளை வழங்குதல் ஆகியவற்றை மையமாகக் கொண்டது.

உள்நாட்டு சுற்றுலாவில் தொடங்கி பயணத்துறையை மறுதொடக்கம் செய்வதற்கான அமைச்கத்தின் திட்டத்தை மத்திய அமைச்சர் பகிர்ந்து கொண்டார், மேலும் பயண முகவர்கள் முன்வைத்த திட்டங்கள் மற்றும் யோசனைகளையும் கேட்டறிந்தார்.

மேலும் பல்வேறு சுற்றுலா சேவைகளுக்கு சிறந்த அணுகலை வழங்குவதற்காக, இன்கிரடபில் இந்தியா (Incredible India) டிஜிட்டல் தளத்தை மேம்படுத்துவதற்கான வழிகளை சுற்றுலா அமைச்சகத்துடன் ஒருங்கிணைந்து வழங்குவது தொடர்பான விஷயங்களை பிரதிநிதிகள் விவாதித்தனர். பிற துறைகளின் ஒத்துழைப்புடன் சுற்றுலா வழிகாட்டிகளுக்கான மின்-சந்தை இடத்தை உருவாக்குதல் மற்றும் OTA துறைக்கு மூலாதாரத்தில் சேகரிக்கப்பட்ட வரி (TCS) மற்றும் வரி விலக்கு (TDS) ஆகியவற்றில் சீர்திருத்தம் ஆகியவையும் அடங்கும்.

11 மாநிலங்கள், யூனியன் பிரதேசங்களில் 56 இயற்கை எரிவாயு நிலையங்களை திரு. தர்மேந்திர பிரதான் நாட்டுக்கு அர்ப்பணித்தார்.

11 மாநிலங்கள், யூனியன் பிரதேசங்களில் 56 இயற்கை எரிவாயு நிலையங்களை திரு. தர்மேந்திர பிரதான் நாட்டுக்கு அர்ப்பணித்தார்.

சுற்றுச்சூழலுக்கு உகந்த அழுத்தம் தரப்பட்ட இயற்கை எரிவாயுவைப்  (சிஎன்ஜி) பயன்படுத்தும் விதமாக, மத்திய பெட்ரோலியம் மற்றும் இயற்கை வாயு, உருக்குத்துறை அமைச்சர் திரு. தர்மேந்திர பிரதான், இன்று ஆன்லைன் நிகழ்ச்சி ஒன்றின் மூலமாக, 48 சிஎன்ஜி நிலையங்களை நாட்டுக்கு அர்ப்பணித்தார். நாட்டில்  8 இதர சிஎன்ஜி நிலையங்களையும் அவர் தொடங்கி வைத்தார். இந்த 56 நிலையங்களும் , குஜராத், ஹரியானா, ஜார்க்கண்ட், கர்நாடகா, மத்தியப்பிரதேசம், மகாராஷ்டிரா, புதுதில்லி, பஞ்சாப், ராஜஸ்தான், தெலங்கானா, உத்தரப்பிரதேசம் ஆகிய 11 மாநிலங்கள் மற்றும் யூனியன் பிரதேசங்களில் உள்ளன. இவை பொதுத்துறை நிறுவனங்களும், தனியாருக்குச் சொந்தமான நிறுவனங்களும் அடங்கும்.

2019ல் தெற்கு சூடானில் ஐக்கிய நாடுகள் சபை மிஷனில் (UNMISS) பெண் அமைதிக் காப்பாளராகப் பணியாற்றிய இந்திய இராணுவ அதிகாரி மேஜர் சுமன் கவானிக்கு விருது

இந்திய இராணுவ அதிகாரி மேஜர் சுமன் கவானிக்கு ஐக்கிய நாடுகள் சபையின் விருது.

2019ல் தெற்கு சூடானில் ஐக்கிய நாடுகள் சபை மிஷனில் (UNMISS) பெண் அமைதிக் காப்பாளராகப் பணியாற்றிய இந்திய இராணுவ அதிகாரி மேஜர் சுமன் கவானிக்கு பெருமை மிகுந்த ”ஆண்டின் சிறந்த ஐக்கிய நாடுகள் சபை இராணுவப் பாலின சமத்துவ ஆதரிப்பாளர் விருது” 29 மே 2020ல் அறிவிக்கப்பட்டு உள்ளது.  சர்வதேச ஐக்கிய நாடுகள் சபை அமைதிக் காப்பாளர்கள் தினத்தன்று நியூயார்க்கில் உள்ள ஐ.நா.தலைமையகத்தில் ஏற்பாடு செய்யப்படும் ஆன்லைன் நிகழ்ச்சியில் ஐ.நா.தலைமைச் செயலாளர் திரு அன்டோனியோ குட்டெர்ரஸ் அவர்களிடம் இருந்து மேஜர் சுமன் கவானி இந்த விருதைப் பெறுவார்.  மேஜர் சுமன் கவானி, பிரேசில் கப்பல் படை அதிகாரி கர்லா மோன்டீரோ தெ காஸ்ட்ரோ அரௌஜோ என்பவருடன் சேர்ந்து இந்த விருதைப் பெறுவார்.

மேஜர் சுமன் நவம்பர் 2018 முதல் டிசம்பர் 2019 வரை தெற்கு சூடானில் ஐக்கிய நாடுகள் சபை மிஷனில் இராணுவ கூர்நோக்குநராகப் பணியாற்ற உள்ளார்.  அங்கு பணியாற்றிய போது, மிஷனில் உள்ள இராணுவ கூர்நோக்குபவர்கள் எதிர்கொள்ளும் பாலினச் சமத்துவப் பிரச்சினைகளுக்கு இவரே முதன்மைத் தொடர்பாளராகவும் இருந்துள்ளார்.  மிகக்கடினமான களச்சூழல்களின் கீழ் ஏற்படும் சிரமங்கள் பலவகைப்பட்டதாக இருந்தாலும் கூட இவர் பாலினச் சமத்துவத்தை கடைபிடிக்க வேண்டும் என்பதற்காக ஆண்கள், பெண்கள் கூட்டு இராணுவ அணிவகுப்பை ஊக்குவித்தார்.  மிஷனின் திட்டமிடலிலும் இராணுவ நடவடிக்கைகளிலும் பாலினச் சமத்துவப் பார்வையை ஒருங்கிணைப்பதற்காக தெற்கு சூடான் முழுவதும் மிஷன் குழுக்கள் உள்ள இடங்களுக்கு இவர் சென்று உள்ளார்.  

நெய்ரோபியில் நடைபெற்ற போர் தொடர்பான பாலியல் வன்முறை (RSV) குறித்த சிறப்புப் பயிற்சி வகுப்பில் கலந்துகொள்ள இவர் தேர்ந்தெடுக்கப்பட்டார்.  குறிப்பாக போர் தொடர்பான பாலியல் வன்முறைகளில் இருந்து குடிமைச் சமூகத்தைப் பாதுகாக்க, பாலினச் சமத்துவப் பார்வையானது எவ்வாறு உதவும் என்று இவர் பல்வேறு ஐ.நா.சபை அமைப்புக் கூட்டங்களில் பங்கேற்று பேசியுள்ளார்.  தெற்கு சூடானில் ஐக்கிய நாடுகள் சபை மிஷனின் முன்னெடுப்புகளுக்கு ஆதரவாக இருந்ததோடு தெற்கு சூடான் அரசுப் படையினருக்கும் போர் தொடர்பான பாலியல் வன்முறை விஷயங்களில் பயிற்சி அளித்துள்ளார்.  மேலும் தெற்கு சூடானில் ஐக்கிய நாடுகள் சபை மிஷனில் நடைபெற்ற ஐ.நா.அமைதிக் காப்பாளர்கள் தின அணிவகுப்பில் ஐ.நா.போலீஸ், இராணுவம் மற்றும் குடிமைச் சமூகத்தினரின் பன்னிரெண்டு பிரிவினர்களை இவர் தலைமை ஏற்று வழி நடத்தினார்.

மருத்துவக் கல்வி மாணவர் சேர்க்கைக்கான நீட் தேர்வை நிரந்தரமாக ரத்து செய்ய வேண்டும் என்பது தான் பாமக வின் நிலைப்பாடு ஆகும். - DR.S.ராமதாஸ்

கொரோனா அச்சம்: நடப்பாண்டின் 

நீட் தேர்வை ரத்து செய்ய வேண்டும்!  - DR.S.ராமதாஸ்

2020-21 ஆம் ஆண்டு இளநிலை மருத்துவக்கல்வி மாணவர் சேர்க்கைக்கான நீட் தேர்வு ஏற்கனவே அறிவித்தவாறு ஜூலை 26-ஆம் தேதி நடைபெறும் என தெரிவித்துள்ள தேசிய தேர்வு முகமை, அதற்கான ஏற்பாடுகளையும் தொடங்கியிருக்கிறது. கொரோனா பரவல் அச்சம் காரணமாக மாணவர்கள் இப்போது எதிர்கொண்டு வரும் சூழலில் நீட் தேர்வை நடத்துவது குரூரமான கடமை உணர்வாக பார்க்கப்படும்.

தமிழ்நாடு உட்பட இந்தியா முழுவதும் கொரோனா வைரஸ் பரவல் ஒவ்வொரு நாளும் புதிய உச்சத்தை எட்டி வருகிறது. இந்தியாவில் இன்று காலை நிலவரப்படி மொத்தம் 1.74 லட்சம் பேர் கொரோனாவால் பாதிக்கப்பட்டுள்ளனர்; 5 ஆயிரத்திற்கும் மேற்பட்டோர் உயிரிழந்துள்ளனர். நோயால் பாதிக்கப்பட்டோர் எண்ணிக்கையில் 9-ஆவது இடத்தில் இருக்கும் இந்தியா, அடுத்த இரு நாட்களில் ஜெர்மனியையும், பிரான்சையும் பின்னுக்குத் தள்ளிவிட்டு, இத்தாலிக்கு அடுத்தபடியாக 7-ஆவது இடத்தை பிடித்து விடும். இன்றைய நிலையில் அமெரிக்காவை விட இந்தியாவில் தான் அதிக தொற்றுகள் ஏற்படுகின்றன. புதிய தொற்றுகள் எண்ணிக்கையில் பிரேசில், ரஷ்யா ஆகிய நாடுகளுக்கு அடுத்தபடியாக இந்தியா தான் மூன்றாவது இடத்தில் உள்ளது. அடுத்த சில நாட்களில் இந்த நிலை இன்னும் மோசமாகக்கூடும்.

சென்னை போன்ற நகரங்களில் நீட் தேர்வுக்கு விண்ணப்பித்துள்ள ஒவ்வொரு மாணவனின் தெருவிலும் குறைந்தது ஒருவர் அல்லது இருவர் கொரோனாவால் பாதிக்கப்பட்டுள்ளனர். மும்பையில் ஒவ்வொரு மாணவனின் அண்டை வீட்டிலும் சராசரியாக ஒருவர் கொரோனாவால் பாதிக்கப்பட்டிருப்பார். தில்லியிலும்  கிட்டத்தட்ட இதே நிலை தான் காணப்படுகிறது. இதுபோன்ற நகரங்களில் வாழும் மாணவர்கள், தங்களையும், தங்கள் குடும்பத்தினரையும் கொரோனா தாக்கிவிடக்கூடாது என்ற அச்சத்திலும், மன உளைச்சலிலும்  வாழ்ந்து கொண்டிருக்கும் நிலையில், அவர்களால் எப்படி நீட் தேர்வை எழுதுவதற்கு தயாராக முடியும்?

இந்தியாவில் ஒரு சில மாநிலங்களைத் தவிர மற்ற மாநிலங்களில் இன்னும் 12-ஆம் வகுப்பு பொதுத் தேர்வுகள் நடத்தி முடிக்கப்படவில்லை. மத்திய இடைநிலை கல்வி வாரிய(சிஙிஷிணி) பாடத்திட்ட பள்ளிகளில்  மார்ச் மாதத்தில் 12-ஆம் வகுப்புத் தேர்வுகள் தொடங்கப்பட்டாலும் கூட, மார்ச் 19 முதல் 31-ஆம் தேதி வரை நடைபெறவிருந்த தேர்வுகள் கொரோனா அச்சம் காரணமாக ஒத்திவைக்கப்பட்டு, ஜூலை ஒன்றாம் தேதி முதல் 15-ஆம் தேதி வரை நடைபெறவுள்ளன. தமிழகத்தில் கூட சில பாடங்களுக்கான 12-ஆம் வகுப்பு தேர்வுகளை கொரோனா அச்சம் காரணமாக மாணவர்கள் எழுதாத நிலையில், அப்பாடங்களுக்கான தேர்வு ஜூன் 18-ஆம் தேதி நடைபெறவுள்ளது. இவ்வாறாக ஜூலை 15 வரை பொதுத்தேர்வுகளுக்கு  12-ஆம் வகுப்பு மாணவர்கள் தயாராக வேண்டிய சூழலில், அடுத்த 10 நாட்களில் நீட் தேர்வுக்கு மாணவர்களால் தயாராக இயலாது. குறிப்பாக தனிப்பயிற்சி மையங்களில் பயிலாமல், தங்களின் சொந்த முயற்சியில் மட்டுமே பயிலும் மாணவர்களால் நீட் தேர்வுக்கு தயாராவது என்பது சாத்தியமற்றதாகும்.

மத்திய மின்துறை அமைச்சர் திரு. ஆர். கே. சிங் தலைமையிலான மின்துறை அமைச்சக அதிகாரிகளுடன் விரிவான சந்திப்பை மேற்கொண்டனர்.

மின்சாரத் துறையில் மேற்கொள்ளப்படவுள்ள சீர்திருத்தங்கள் குறித்து நிதிக்குழு மின்சார அமைச்சகத்துடன் கலந்துரையாடல்.

மாநிலங்களில் மின்சாரத்துறையில் மேற்கொள்ளப்படவுள்ள சீர்திருத்தங்கள் தொடர்பான பிரச்சினைகள் குறித்து திரு. என். கே. சிங் தலைமையிலான நிதிக்குழுவும் அதன் உறுப்பினர்களும் மூத்த அதிகாரிகளும் மத்திய மின்துறை அமைச்சர் திரு. ஆர். கே. சிங் தலைமையிலான மின்துறை அமைச்சக அதிகாரிகளுடன் விரிவான சந்திப்பை மேற்கொண்டனர். இந்த சந்திப்பு நிதி ஆணையம் 2020 - 2021 நிதியாண்டிற்கான தனது அறிக்கையில் மின் துறை குறித்து வழங்கியிருந்த பரிந்துரைகளின் தொடர்ச்சியாக நடைபெற்றது.

கொரோனா வைரஸ் தாக்குதலுக்கு எதிரான ஊரடங்கில் விளைவாக ஏற்பட்டுள்ள பொருளாதார சீர்குலைவை எதிர்த்துப் போராட மத்திய நிதியமைச்சர் திருமதி. நிர்மலா சீதாராமன் ஐந்து தவணைகளாக நிதியுதவி பற்றி அறிவித்ததில் முதல் தவணையில் இடம் பெற்றிருந்த 15 நடவடிக்கைகளில், நிதிநிலைமை மிக மோசமாக மாறியுள்ள மின்பகிர்வு நிறுவனங்களில் ரூ. 90,000 கோடி ரொக்கத் தொகை ஈடுபடுத்தப்படும்  என்ற அறிவிப்பும் ஒன்றாகும். இதனைக் கருத்தில் கொண்டும், 2021 - 2026 நிதியாண்டு காலப்பகுதிக்கான நிதிக்குழுவின் அடுத்த அறிக்கையில் அதை கவனத்தில் எடுத்துக் கொள்ளும் வகையிலும் இந்த சந்திப்பு நடைபெற்றது. மின் துறையை தொடர்ந்து நெருக்கடியிலேயே ஆழ்த்தி வரும் பிரச்சினைகளை கணக்கில் கொண்டு மின்துறையில் சீர்திருத்தங்களை மேலும் வேகப்படுத்துவதற்கு பிரதமர் முன்னுரிமை அளித்துள்ளதை பிரதிபலிப்பதாகவே நிதியமைச்சரின் இந்த அறிவிப்புகள் இருந்தன.

வர்த்தக சங்கங்களின் பிரதிநிதிகளுடன் திரு பியூஸ் கோயல் சந்திப்பு; கோவிட்-19-ஐ எதிர்த்துப் போராடும் திறனை உருவாக்க முடக்க காலத்தை நாடு பயன்படுத்திக் கொண்டது

வர்த்தக சங்கங்களின் பிரதிநிதிகளுடன் திரு பியூஸ் கோயல் சந்திப்பு; கோவிட்-19-ஐ எதிர்த்துப் போராடும் திறனை உருவாக்க முடக்க காலத்தை நாடு பயன்படுத்திக் கொண்டது

வர்த்தக சங்கங்களின் பிரதிநிதிகளை மத்திய வர்த்தக மற்றும் தொழில்துறை அமைச்சர் திரு பியூஸ் கோயல் காணொலிக் காட்சி மூலம் வியாழக்கிழமை சந்தித்துப் பேசினார். முடக்க காலத்தில் கோவிட்-19 தொற்றை எதிர்த்துப் போராடும் நடவடிக்கையில் நாடு இறங்கி, அதற்கான கொள்திறனை உருவாக்கியது. முக கவசம், கிருமிநாசினிகள், கையுறைகள், பிபிஇ பாதுகாப்பு உடைகள் போன்றவற்றை உள்நாட்டில் உற்பத்தி செய்வது அதிகரித்தது, சுகாதார கட்டமைப்புகள் மேம்பட்டது மற்றும் மக்களிடையே விழிப்புணர்வும் ஏற்படுத்தப்பட்டது. 

இதற்குமுன் ஏற்படாத நெருக்கடியைச் சந்திக்க அரசின் வழிகாட்டுதல்கள் மற்றும் உத்தரவுகளைப் பின்பற்ற நாம் இணைந்து செயல்பட வேண்டும் என பிரதமர் விடுத்த அழைப்பை மக்கள் ஏற்றுக் கொண்டனர் என அவர் கூறினார். முடக்க காலத்தில் உருவாக்கப்பட்ட ஆரோக்ய சேது செயலி பாதுகாப்பு கவசமாகவும், நண்பனாகவும், நெருக்கடி நேரத்தில் தகவல் அளிப்பதாகவும் உள்ளது. மக்கள் தங்கள் வாழ்க்கை முறையை மாற்றி, சூழலுக்கு ஏற்ப வாழவும், சிந்தித்து செயல்படவும், விரைவாக பழகிக் கொண்டனர். பிரதமர் சரியான நேரத்தில் எடுத்த முடிவும், அதை மக்கள் பின்பற்றியதும் நாட்டுக்கு உதவியது. நல்ல வளங்களுடனும், குறைவான மக்கள் தொகையும் உடைய பிற நாடுகளுடன் ஒப்பிடுகையில், நாம் நல்ல நிலையில் உள்ளோம் என திரு பியூஸ் கோயல் கூறினார்.

இந்திய உணவுக் கார்ப்பரேஷனின் உணவு தானிய விநியோகம் மற்றும் கொள்முதல் குறித்து நுகர்வோர் விவகாரங்கள், உணவு, பொது விநியோகத் துறை மத்திய அமைச்சர் திரு. ராம்விலாஸ் பாஸ்வான் ஆய்வு

இந்திய உணவுக் கார்ப்பரேஷனின் உணவு தானிய விநியோகம் மற்றும் கொள்முதல் குறித்து நுகர்வோர் விவகாரங்கள், உணவு, பொது விநியோகத் துறை மத்திய அமைச்சர் திரு. ராம்விலாஸ் பாஸ்வான் ஆய்வு

நுகர்வோர் விவகாரங்கள், உணவு, பொது விநியோகத் துறை மத்திய அமைச்சர் திரு. ராம்விலாஸ் பாஸ்வான், இந்திய உணவுக் கார்ப்பரேஷனின் மண்டல நிர்வாக இயக்குநர்கள் மற்றும் பிராந்திய பொது மேலாளர்களுடன்  இன்று காணொளி மூலம் ஆய்வு நடத்தினார். உணவு தானியங்கள் விநியோகம் மற்றும் கொள்முதல் குறித்து அவர் தகவல்களைக் கேட்டறிந்தார்.

முடக்கநிலை அமல் காலத்தில் இந்திய உணவுக் கார்ப்பரேஷனின் செயல்பாடுகளைப் பாராட்டிய திரு பாஸ்வான், உணவு தானியங்கள் கொண்டு செல்வது முந்தைய சமயங்களைவிட அதிக அளவில் நடந்திருப்பதாக நினைவுகூர்ந்தார். தீவிர நோய்த் தொற்று நெருக்கடி காலத்தில் உணவுத் தேவையைப் பூர்த்தி செய்யும் போர்வீரர்களாக இந்திய உணவுக் கார்ப்பரேஷனின் அலுவலர்கள் செயல்பட்டு வருவதாகவும், சவால்களை தங்களுக்கான வாய்ப்புகளாக அவர்கள் மாற்றியுள்ளார்கள் என்றும் அமைச்சர் கூறினார். முடக்கநிலை காலத்தில் உணவு தானிய மூட்டைகள் ஏற்றுதல், இறக்குதல், கொண்டு செல்லுவதில் சாதனைகள் படைத்திருப்பதாக அவர் குறிப்பிட்டார். அதே சமயத்தில், தடை எதுவும் இன்றி கொள்முதல் தொடர்வதாகவும் அவர் கூறினார். அரசு ஏஜென்சிகள் மூலம் கோதுமைக் கொள்முதல், கடந்த ஆண்டு அளவை மிஞ்சிவிட்டது என்றும் திரு பாஸ்வான் தெரிவித்தார்.

சாதி பாகுபாட்டின் அடையாளமாக திகழும் திராவிடம்! சமத்துவம் பேசிய உங்களுக்கு சாதிய கொம்புகள் முளைத்தது எப்படி? - டாக்டர் K. கிருஷ்ணசாமி

சாதி பாகுபாட்டின் அடையாளமாக திகழும் திராவிடம்! சமத்துவம் பேசிய உங்களுக்கு சாதிய கொம்புகள் முளைத்தது எப்படி? கடந்த வாரம் தயாநிதி மாறனும் - டி.ஆர்.பாலுவும், கடந்த மாதத்தில் ஆர்.எஸ்.பாரதியும் – ஊடக வெளிச்சத்தில் அதிகம் வெளிவந்த பெயர்கள், இவர்கள் திமுக-வின் முக்கிய அடையாளங்கள்.  - டாக்டர் K. கிருஷ்ணசாமி

இவர்களின் புதிய ஆராதனைகள் – ஆதிதிராவிடர், தாழ்த்தப்பட்டோர், பிச்சையிடுதல், மூன்றாம் தர, நான்காம் தர வகுப்பினர், அம்பட்டையன்கள் – மன்னிக்கவும், இது என்னாலோ, எங்கள் இயக்கத்தினராலோ, இந்த மண்ணில் சிறிதளவேனும் சமூக பற்று உடையவர்களாலோ ஏற்றுக்கொள்ளப்பட்டு பயன்படுத்தக்கூடிய வார்த்தைகள் அல்ல.

கடந்த ஒரு நூற்றாண்டு காலமாக திராவிடம் பேசி, சாதி ஒழிப்புக்கு உரக்க குரல் எழுப்பி, சமத்துவம் பேசி வரும் திமுக-வின் முன்னணி அடையாளங்களாக விளங்கக் கூடியவர்கள் உதிர்த்த கொள்கை முத்துக்கள் இவை.

ஆர்.எஸ்.பாரதி - முன்னணி வழக்கறிஞர், திமுக நாடாளுமன்ற உறுப்பினர் –இவர்தான் ”ஆதிதிராவிடர், தாழ்த்தப்பட்டவர்களுக்கு இப்பொழுது கிடைக்கக்கூடிய சலுகைகள், நாங்கள் (திமுக) போட்ட பிச்சை” என்று அருள் வாக்கு மலர்ந்தவர்.

ஒரு வாரத்திற்கு முன்பு, தலைமைச் செயலகத்திற்கு மனு அளிக்கச் சென்ற மூன்று திமுக நாடாளுமன்ற உறுப்பினர்களை பார்த்து, தலைமைச் செயலாளர் “YOU PEOPLE” என்று சொன்னாராம், அதற்கு பொருள் மூன்றாம் தர, நான்காம் தர வகுப்பினர் என்றும், எங்களை (திமுக நாடாளுமன்ற உறுப்பினர்களை) பார்த்து “YOU PEOPLE” என்று சொல்வதற்கு நாங்கள் என்ன தாழ்த்தப்பட்டவர்களா? என்றும் தயாநிதிமாறனும், டி.ஆர்.பாலுவும் குமுறினார்கள்.   

இந்தியாவிலேயே தமிழகத்தில் தான் இறப்பு விகிதம் குறைந்திருக்கிறது என அடிக்கடி கூறி முழுப் பூசணிக்காயை சோற்றில் மறைக்க முயற்சிப்பது மிகுந்த கண்டனத்திற்குரியது. - கே.எஸ். அழகிரி

கொரோனா தொற்று நோயை பொறுத்தவரை, மத்திய - மாநில அரசுகளின் தவறான அணுகுமுறைகளின் காரணமாக பாதிக்கப்பட்டவர்களின் எண்ணிக்கை நாளுக்கு நாள் அதிகமாகி வருகிறது. தமிழகத்தைப் பொறுத்தவரை ஏப்ரல் 1 ஆம் தேதி தொற்றுநோயாளிகளின் எண்ணிக்கை 234 ஆக இருந்தது. ஆனால், மே 3 ஆம் தேதி 3 ஆயிரமாக உயர்ந்து மே 29 ஆம் தேதி 20 ஆயிரத்தை தாண்டியுள்ளது.  இதற்கு அ.தி.மு.க. ஆட்சியாளர்களின் தவறான கொள்கைகளே காரணமாகும். தொடக்கத்திலிருந்தே பரிசோதனை கருவிகள் வாங்குவதில் பல்வேறு குளறுபடிகள், கோயம்பேடு மொத்த காய்கறி வியாபார சந்தையில் ஆயிரக்கணக்கான பொதுமக்களை அனுமதித்ததில் சென்னை மாநகராட்சி செய்த இமாலய தவறு போன்ற காரணங்களால் சென்னை மாநகரம் கொரோனாவின் கோரப் பிடியில் சிக்கி தவித்து வருகிறது. 

கொரோனா வைரஸ் பாதிப்பினால் வியாழக்கிழமை 15 பேர், வெள்ளிக்கிழமை 22 பேர் பலியாகியிருக்கிறார்கள் என்ற செய்தி கடும் அதிர்ச்சியைத் தருகிறது. கடந்த ஒரு வாரத்தில் மட்டும் சென்னையில் 60-க்கும் மேற்பட்டவர்கள் பலியானது மக்களிடையே அச்சமும், பீதியும் ஏற்பட்டுள்ளது. கடந்த வியாழக்கிழமை வரை தமிழகத்தில் நிகழ்ந்த 50 சதவிகித இறப்புகள், தொற்று ஏற்பட்டு 48 மணி நேரத்துக்குள் நிகழ்ந்துள்ளதாக சுகாதாரத்துறை இயக்குனரக தரவுகள் தெரிவிக்கின்றன. இதுவரை தினசரி நிகழ்ந்த இறப்புகளில் இதுவே அதிகபட்சமாகும். தமிழகத்தில் கொரோனாவினால் இதுவரை 145 பேர் உயிரிழந்துள்ளனர். இதில் ஒருவர் மருத்துவமனைக்கு கொண்டு வரப்பட்ட ஒரு மணி நேரத்தில் உயிரிழந்துள்ளார். 4 பேர் மருத்துவமனைக்கு கொண்டு வரப்பட்டு 24 மணி நேரத்தில் இறந்துள்ளனர். இத்தகைய இறப்புகளால் சுகாதாரத்துறையே அதிர்ச்சியில் உறைந்து போயிருக்கிறது.

தமிழகத்தில் உள்ள அனைத்து திருக்கோயில்களும் திறக்கப்பட வேண்டும் என்ற பக்தர்களின் கோரிக்கையை தமிழக அரசு கனிவோடு பரிசீலனை செய்ய வேண்டும். - ஜி.கே.வாசன்

தமிழகத்தில் திருக்கோயில்களை ஜூன் மாதத்தில் திறக்க தமிழக அரசு ஆலோசனை மேற்கொண்டு வழிபாட்டுத் தலங்களை நம்பி தொழில் செய்கின்றவர்களின் வாழ்வாதாரம் உயர, மாநிலப் பொருளாதாரம் மேம்பட வழி வகுக்க வேண்டும்.

தமிழகத்தில் உள்ள அனைத்து திருக்கோயில்களும் திறக்கப்பட வேண்டும் என்ற பக்தர்களின் கோரிக்கையை தமிழக அரசு கனிவோடு பரிசீலனை செய்ய வேண்டும். கொரோனாவால், ஊரடங்கால் மாநிலம் முழுவதும் அரசின் கோட்பாடுகள், வழிமுறைகள் நடைமுறையில் உள்ளன. 

இருப்பினும் கொரோனா பரவலின் எண்ணிக்கைக்கு ஏற்ப பல மாவட்டங்களில் சில தளர்வுகளும் வெளியிடப்பட்டு மக்களின் சிரமங்கள் ஓரளவுக்கு குறைந்துள்ளது. அந்த வகையில் திருக்கோயில்களையும் திறந்தால் கோயில்களை நம்பி பிழைப்பை நடத்தும் இலட்சக்கணக்கான குடும்பங்கள் வாழ்வாதாரத்தை தொடர முடியும். அதாவது கோயில்கள் மூடப்பட்டிருப்பதால் அதன் வாயில்களில், நடைபாதையில், தெருக்களில் கடை வைத்திருப்பவர்கள் வருமானம் ஈட்ட முடியாமல் பெரும் சிரமத்திற்கு உட்பட்டிருக்கிறார்கள். 

அதிமுக அரசு நடத்துவது கபடநாடகம் - நேர்மையற்ற அரசியல் என நிரூபிக்க தயார் - கான்ஸ்டன்டைன் ரவீந்திரன்

அதிமுக அரசு நடத்துவது கபடநாடகம் - நேர்மையற்ற அரசியல் என நிரூபிக்க தயார் திமுக செய்தித்தொடர்பு இணைச்செயலாளர் பேரா. கான்ஸ்டன்டைன் ரவீந்திரன் அமைச்சர் திரு. காமராஜூக்கு விடுத்துள்ள சவால்.

கடந்த மார்ச் மாதம் 24-ம் தேதி கொரோனா நோய்த்தொற்றைக் கட்டுப்படுத்த ஊரடங்கை அறிவித்தது அ.தி.மு.க. அரசு. அப்படி ஊரடங்கு அறிவிக்கப்பட்டதன் விளைவாகப் பல லட்சம் மக்கள் வாழ்வாதாரம் பாதிக்கப்படுவார்கள் என்பதை உணர்ந்து அவர்களுக்கு அ.தி.மு.க. அரசு தேவையான உதவிகளைச் செய்திருக்க வேண்டும். ஆனால், அரசு அதற்கான முயற்சிகளை எடுக்கத் தவறிய நிலையில் கருணை உள்ளத்தோடு,  பாதிக்கப்பட்ட மக்களுக்கு உதவிடும் எண்ணத்தில் எங்கள் கழகத் தலைவர் அவர்கள் 'ஒன்றிணைவோம் வா' என்ற திட்டத்தை அறிவித்தார்கள். அதன் மூலம் பல லட்சம் மக்களுக்கு உணவுப் பொருட்களும், காய்கறிகளும், மருந்துப் பொருட்களும் நிதி உதவிகளும் கழக உடன்பிறப்புகள் ஒத்துழைப்போடு தமிழகம் முழுவதும் கட்சி பாகுபாடு இல்லாமல் அனைவருக்கும் வழங்கப்பட்டது. உணவுகளைத் தயாரித்துப் பொட்டலங்களாகவும் வழங்கினோம்.

இந்த 'ஒன்றிணைவோம் வா' என்ற திட்டத்துக்காக பொதுத் தொலைப்பேசி சேவை ஒன்றையும் அறிவித்திருந்தோம். அந்தத் தொலைப்பேசி வாயிலாக ஏறத்தாழ 15 லட்சம் பேர் தங்களது பல்வேறு கோரிக்கைகளைத் தெரிவித்தார்கள். உணவு, மருந்துப் பொருட்களை வழங்குவதற்காகவே இச்சேவைத் தொடங்கப்பட்டது. ஆனால், இவை இல்லாமல் பல்வேறு கோரிக்கைகளைப் பொதுமக்கள் இதில் பதிவு செய்துள்ளார்கள். இதில் ஒரு லட்சம் மனுக்களைத் தலைமைச் செயலாளரிடம் வழங்கினோம்.

பொருளாதார மீட்பு நடவடிக்கைகள் பேரழிவுகளுக்கு வழிவகுக்க கூடாது! - DR.S.ராமதாஸ்

பொருளாதார மீட்பு நடவடிக்கைகள் 

பேரழிவுகளுக்கு வழிவகுக்க கூடாது! - DR.S.ராமதாஸ்

கொரோனா வைரஸ் பரவலைக் கட்டுப்படுத்துவதற்காக கடந்த சில மாதங்களாக நடைமுறைப்படுத்தப் பட்டு வரும் ஊரடங்கிலிருந்து வெளிவருவதற்கு உலகின் பல நாடுகள் ஆயத்தமாகி வருகின்றன.  ஊரடங்கால் உருக்குலைந்து போயிருக்கும் உலகப் பொருளாதாரத்தை சீரமைப்பது தான் உலக நாடுகளின் முதன்மை பணியாக இருக்கும் நிலையில், அதற்கான நடவடிக்கைகள் வருங்காலங்களில் கொரோனாவை விட மோசமான பேரழிவுகளை ஏற்படுத்திவிடக் கூடாது என்று உலக சுகாதார நிறுவனம் எச்சரித்துள்ளது.

2019-ஆம் ஆண்டின் இறுதியில் சீனாவில் தோன்றிய கொரோனா வைரஸ் நோய் இன்று காலை வரை உலகின் 215 நாடுகளில் உள்ள 56 லட்சம் பேரைத் தாக்கியுள்ளது. இந்த நோய்க்கு 3 லட்சத்து 55,000 பேர் உயிரிழந்துள்ளனர். பெரும்பான்மையான நாடுகள் நோயின் தாக்கத்திலிருந்து இன்னும் விடுபடாத போதிலும், தொடர்ந்து நடைமுறைப்படுத்தப்பட்டு வரும் ஊரடங்கு கற்பனைக்கு எட்டாத அளவுக்கு பொருளாதார இழப்புகளை ஏற்படுத்தியிருப்பதால் நோய்த்தடுப்பு பணிகள் ஒருபுறம் தொடரும் நிலையில், மறுபுறம் பல நாடுகள் பொருளாதாரத்தை படிப்படியாக திறந்து விட்டு வருகின்றன. அடுத்து வரும் நாட்களில் இன்னும் கூடுதலான நாடுகள் தங்களின் பொருளாதாரத்தை முழுமையாக திறந்து விடக்கூடும் என்று எதிர்பார்க்கப்படும் சூழலில் தான் உலக சுகாதார நிறுவனம் இந்த அறிவுரையை வழங்கியுள்ளது.

இந்திய ஏற்றுமதியாளர்கள், உலகிற்கு தரமான பொருள்களை வழங்கும் வகையில் போட்டிக்குரியவர்களாக இருக்க வேண்டும் - திரு. பியூஷ் கோயல்

மத்திய வர்த்தகம் தொழில்துறை மற்றும் ரயில்வே அமைச்சர் திரு. பியூஷ் கோயல், இன்று இந்தியத் தொழில் கூட்டமைப்பு - சிஐஐ ஏற்பாடு செய்திருந்த ஏற்றுமதி குறித்த டிஜிட்டல் உச்சி மாநாட்டில் காணொளி மூலம் கலந்து கொண்டார். இந்த உச்சிமாநாட்டின் நிறுவனப் பங்குதாரராக இந்திய ஏற்றுமதி-இறக்குமதி வங்கி இருந்தது.

உச்சி மாநாட்டில் உரையாற்றிய திரு. கோயல், தொழில்துறை மற்றும் தனியார் துறையிடமே வருங்கால வளர்ச்சி உள்ளது என்று கூறினார். இதில் அரசுக்கு மிகக் குறைந்த அளவுக்கே பங்கு உள்ளது என்றார் அவர். இந்தியாவின் ஏற்றுமதியை அதிகரிக்க, உற்பத்திக்குப் புத்துயிர் ஊட்டுதல், ஏற்றுமதியை பல்வகைப்படுத்துதல், ஏற்றுக் கொள்ளக்கூடிய புதிய, கூடுதல் சந்தைகளைக் கண்டறிதல் என மூன்று முக்கிய வழிகள் உள்ளதாக அமைச்சர் அடையாளம் காட்டினார். தற்போதைய வலுவான பகுதிகளை ஒருங்கிணைப்பதுடன், ஏற்றுமதியை பல்வகைப்படுத்துதல், நமது பொருளாதாரம் வளர்ச்சியுற அவசியமாகும் என்று அவர் வலியுறுத்தினார். 

வாகன உதிரிபாகப் பிரிவு, மரப்பொருள்கள், குளிர்சாதனக் கருவிகள் மற்றும் இதரப் பொருள்களை  உள்நாட்டிலேயே  உற்பத்தி செய்வதை மேம்படுத்த இந்தியாவுக்கு மிகப் பெரிய வாய்ப்பு உள்ளதாக அவர் கூறினார். மின்னணு உற்பத்தியை மெய்ட்டி (MeitY) ஊக்குவித்து வருகிறது, மருந்து தயாரிப்புப் பிரிவில் ஏபிஐ உற்பத்தி ஊக்குவிக்கப்படுகிறது, வேளாண் ஏற்றுமதிப் பிரிவில் வாய்ப்புகள் பெருமளவுக்கு உள்ளன என்று அவர் தெரிவித்தார். தகவல் தொழில்நுட்பம் சார்ந்த சேவையில், இந்தியாவின் வலிமையையும், நிபுணத்துவத்தையும் உலகம் அங்கீகரித்துள்ளது என்று கூறிய அவர், ஆகவே, அடுத்த ஐந்து ஆண்டுகளில், இந்தப் பிரிவில், 500 பில்லியன் டாலர் ஏற்றுமதி இலக்கை எட்டுமாறு நாஸ்காமை (NASSCOM) கேட்டுக் கொண்டிருப்பதாகத் தெரிவித்தார்.

நாட்டில் முடங்கியுள்ள வர்த்தக செயல்பாடுகளுக்கு தேவையான ஊக்கத்தை ஆத்ம நிர்பார் பாரத் திட்டம் மூலம் அளிக்க முடியும். - நரேந்திர மோடி

சுயசார்பு இந்தியா: உள்நாட்டுத் தயாரிப்புகளை உருவாக்க தொழில்முனைவோர் வேகம்

தேசிய முடக்கத்தால் ஏற்பட்ட மந்தநிலையிலிருந்து இந்திய பொருளாதாரத்தை மீட்க ரூ.20 லட்சம் கோடி மதிப்பிலான நிதியுதவி திட்டத்தை பிரதமர் திரு நரேந்திர மோடி அறிவித்தார். கடந்த மார்ச் மாதத்திலிருந்து 5வது முறையாக நாட்டு மக்களுக்கு உரையாற்றிய பிரதமர் கூறுகையில், இந்திய பொருளாதாரத்தை மீட்கும் வழி சுயசார்பு இந்தியா - ஆத்மநிர்பார் பாரத் என்றார். தேவை விநியோக சங்கிலி முதல் உற்பத்திவரை பொருளாதாரத்தின் ஒவ்வொரு பிரிவிவையும் புதுப்பிக்க இந்த நிதித்திட்டம் உதவும் என்று பிரதமர் கூறினார்.

உள்நாட்டுத் தயாரிப்புகளை வாங்கவும், ஊக்குவிக்கவும் வேண்டும் என மக்களை பிரதமர் வலியுறுத்தினார். மக்கள் உள்நாட்டுத் தயாரிப்புக்கு குரல் கொடுக்க வேண்டும் என அவர் வலியுறுத்தினார்.

நாட்டில் முடங்கியுள்ள வர்த்தக செயல்பாடுகளுக்கு தேவையான ஊக்கத்தை ஆத்ம நிர்பார் பாரத் திட்டம் மூலம் அளிக்க முடியும்.  இதற்கு மேக் இன் இந்தியா திட்டம் மூலம் உற்பத்தியை அதிகரிப்பது, குறைந்த தொழில்நுட்பப் பொருட்களை பிறநாடுகளில் இருந்து இறக்குமதி செய்வதற்கு மாற்றாக, குறைந்த விலையில் கிடைக்கும் உள்நாட்டுத் தயாரிப்புகளை ஊக்குவிக்க வேண்டும்.

வ.உ.சிதம்பரனார் துறைமுகம் 72.40 மீட்டர் நீளம் கொண்ட மிகப்பெரிய காற்றாலை இறகைக் (windblade) கையாண்டு புதியசாதனை

வ.உ.சிதம்பரனார் துறைமுகம் 26.05.2020 அன்று இந்திய தயாரிப்பில் உருவான 72.40 மீட்டர் நீளம் கொண்ட மிகப்பெரிய காற்றாலை இறகைக் (windblade) கையாண்டு புதிய சாதனை படைத்துள்ளது.

ஜெர்மன் நாட்டு கொடியுடன் எம்.வி. மரியா (M.V. Maria) என்ற இக்கப்பல் 151.67 மீட்டர் நீளமும், 8.50 மீட்டர் மிதவை ஆழமும் கொண்டது. இக்கப்பல் 26.05.2020 அன்று மதியம் 1.24 மணியளவில் வ.உ.சிதம்பரனார் துறைமுகத்தின் வ.உ.சி. கப்பல் சரக்குதளம் 3-ஐ வந்தடைந்தது.

72.40 மீட்டர் நீளமுடைய காற்றாலை இறகு இக்கப்பலின் 3 ஹைட்ராலிக் பளுத்தூக்கி இயந்திரங்கள் மூலம் கையாளப்பட்டது. இக்கப்பலின் ஏற்றுமதியாளர்கள் திருவள்ளூரிலுள்ள நோர்டிக்ஸ் இந்தியா பிரைவேட் லிமிடெட் ஆவர். மேலும் ஜெர்மனியிலுள்ள நோர்டிக்ஸ் ஏனர்ஜி GMBH என்ற நிறுவனத்திற்காக பெல்ஜியத்திலுள்ள ஆன்டோப் துறைமுகத்திற்கு இக்கப்பலின் மூலம் கொண்டு செல்லப்படுகிறது. இக்கப்பலின் சரக்கு கையாளுபவர்கள் மற்றும் கப்பல் முகவர்கள் ஆஸ்பின்வால் அன் கோ, தூத்துக்குடி ஆவர், இந்தக் காற்றாலை இறகு, சென்னை அருகாமையிலுள்ள மாப்பேடு என்ற இடத்திலிருந்து வ.உ.சிதம்பரனார் துறைமுகம் வரை பிரத்தியேக லாரிகள் மூலம் NTC லாஜிஸ்டிக்ஸ் (இந்தியா) பிரைவேட் லிமிடெட் எடுத்து வந்தார்கள்.

கோவிட் தொற்றால் மோசமாக பாதிக்கப்பட்ட சென்னை உட்பட 13 நகரங்களின் நிலவரம் பற்றி மத்திய அமைச்சரவை செயலாளர் ஆய்வு

கோவிட் தொற்றால் மோசமாக பாதிக்கப்பட்ட சென்னை உட்பட 13 நகரங்களின் நிலவரம் பற்றி மத்திய அமைச்சரவை செயலாளர் ஆய்வு

கோவிட்-19 தொற்றால் பாதிக்கப்பட்ட 13 நகரங்களின் நிலவரம் குறித்து மாநகராட்சி ஆணையாளர்கள், மாவட்ட ஆட்சியாளர்கள் ஆகியோருடன் மத்திய அமைச்சரவை செயலாளர் ஆலோசனை கூட்டம் நடத்தினார். சம்மந்தப்பட்ட மாநிலங்கள் மற்றும் யூனியன் பிரதேசங்களின் தலைமைச் செயலாளர்களும் இந்த கூட்டத்தில் கலந்து கொண்டனர்.

இந்த 13 நகரங்கள் கொரோனா வைரஸால் அதிகம் பாதித்த இடங்களாக கருதப்படுவதாலும், நாட்டின் கோவிட் நோயாளிகளில் 70 சதவீதம் பேர் இங்கு இருப்பதாலும் , இந்த கூட்டம் முக்கியத்துவம் பெற்றுள்ளது.

கவனம் செலுத்தப்பட்ட 13 நகரங்களில் மும்பை, சென்னை, தில்லி/புதுதில்லி, அகமதாபாத், தானே, புனே, ஐதராபாத், கொல்கத்தா, ஹவுரா, இந்தூர்(மத்தியப் பிரதேசம்), ஜெய்ப்பூர், ஜோத்பூர், செங்கல்பட்டு மற்றும் திருவள்ளூர்(தமிழ்நாடு) ஆகியவை உள்ளன.

கோவிட்-19 நோயாளிகளை நிர்வகிப்பதில் அதிகாரிகள் மற்றும் மாநகராட்சி அதிகாரிகள் எடுத்த நடவடிக்கைகள் குறித்து இந்த கூட்டத்தில் ஆய்வு செய்யப்பட்டது.

நகரங்களில் பின்பற்ற வேண்டிய கோவிட்-19 நிர்வாக விதிமுறைகளை மத்திய அரசு ஏற்கனவே வழங்கியுள்ளது.

மின்துறை அமைச்சகம் மற்றும் புதிய மற்றும் புதுப்பிக்கத்தக்க எரிசக்தி துறை அமைச்சகத்தின் நடவடிக்கைகள் தொடர்பாக பிரதமர் தலைமையில் ஆலோசனை கூட்டம்

மின்துறை அமைச்சகம் மற்றும் புதிய மற்றும் புதுப்பிக்கத்தக்க எரிசக்தி துறை அமைச்சகத்தின் நடவடிக்கைகள் தொடர்பாக பிரதமர் தலைமையில் நடந்த கூட்டத்தின் சுருக்கம்

மின்துறை அமைச்சகம் மற்றும் புதிய மற்றும் புதுப்பிக்கத்தக்க எரிசக்தி அமைச்சகங்களின் பணிகளை பிரதமர் திரு.நரேந்திர மோடி நேற்று மாலை ஆய்வு செய்தார். இந்தக் கூட்டத்தில் மின்துறையை பாதிக்கும் பிரச்னைகளைக் குறைக்க, மாற்றியமைக்கப்பட்ட கட்டண கொள்கை, மின்சார (திருத்தம்) மசோதா 2020 உள்ளிட்ட கொள்கை நடவடிக்கைகள் குறித்து விவாதிக்கப்பட்டன.

மின்துறையின் நிதி நீட்டிப்புத்திறனை மேம்படுத்துவது, செயல் திறனை அதிகரிப்பது, வாடிக்கையாளர் திருப்தியை அதிகரிப்பதன் அவசியத்தை பிரதமர் வலியறுத்தினார். மாநிலங்கள் மற்றும் பல பகுதிகளில் மின்துறையில் உள்ள பிரச்னைகள், குறிப்பாக மின்விநியோகப் பிரிவில் உள்ள பிரச்னைகளை அவர் சுட்டிக் காட்டினார். எல்லா பிரச்னைகளுக்கு ஒரே தீர்வு காணாமல், ஒவ்வொரு மாநிலத்தின் செயல்பாட்டை மேம்படுத்த, அந்தந்த மாநிலம் தொடர்பான பிரச்னைகளுக்கு மின்துறை அமைச்சகம் தீர்வு காண வேண்டும் என அவர் கூறினார்.

கரோனாவால் புலம்பெயரும் தொழிலாளர்களுக்கு உதவியும், பாதுகாப்பும் தேவை! - கி.வீரமணி

கரோனாவால் புலம்பெயரும் தொழிலாளர்களுக்கு உதவியும், பாதுகாப்பும் தேவை! இதுகுறித்த மனுவின்மீது, ‘‘அது அரசின் கொள்கை முடிவு’’ என்று உச்சநீதிமன்றம் கூறலாமா?

 மக்களின் கடைசி நம்பிக்கையான நீதிமன்றமே இப்படிக் கூறலாமா? 

பிரபல 10 வழக்குரைஞர்களின் கடிதத்தினையடுத்து புலம் பெயர்வோர்மீது அக்கறை செலுத்தியது வரவேற்கத்தக்கது! - கி.வீரமணி

நமது ஜனநாயக அமைப்பில், நிர்வாகத் துறை, சட்டமியற்றும் துறை ஆகிய இரண்டு துறைகளின் அதிகார எல்லை, சட்டங்கள் - முடிவுகள்பற்றி ஆராய்ந்து தீர்ப்பளித்து அவர்களுக்குரிய கடமைகளை முறையாக நிறைவேற்ற வைக்கும் முழுப் பொறுப்பும் மூன்றாவது துறையான நீதித் துறைக்கு - குறிப்பாக உயர்நீதிமன்றங்கள், உச்சநீதிமன்றத்திற்கு உரிய கடமைகளாகும்.

உச்சநீதிமன்றத்தில் பொது நல வழக்குமூலம்...

ஆனால், நாடு ‘கண்ணுக்குத் தெரியாத மிகப்பெரும் எதிரியான கரோனா  (கோவிட் 19) வைரசுடன்’ ஒரு தொடர் போரை நடத்திக் கொண்டிருக்கும் நிலையில், நான்கு ஊரடங்குகள், வீட்டுக்குள் முடக்கம், பல லட்சக்கணக்கில் தொழிலாளர்கள் வேலை வாய்ப்பின்மையால் ஏற்பட்ட வறுமை, பசி - நோய் அச்சத்தையே பின்னுக்குத் தள்ளி, பசியுடனும், பிறந்த மண்ணுக்குச் சென்றாவது உறவுக்காரர்களுடன்  வாழும் முடிவை எடுத்துள்ளனர்.  

சென்னையில் கட்டுப்படாத கொரோனா: சோதனைகளை அதிகரிக்க வேண்டும்! - DR.S.ராமதாஸ்

சென்னையில் கட்டுப்படாத கொரோனா: 

சோதனைகளை அதிகரிக்க வேண்டும்! - DR.S.ராமதாஸ்

சென்னையில் கொரோனா வைரஸ் நோயால் பாதிக்கப்படுவோரின் எண்ணிக்கை நாளுக்கு நாள் அதிகரித்து வருவது மிகவும் அதிர்ச்சியளிக்கிறது. அரசுத் தரப்பில் புதிய, புதிய உத்திகள் கடைபிடிக்கப்  பட்டாலும் கூட, கொரோனா தொற்றுகளின் எண்ணிக்கை குறையாததைப் பார்க்கும் போது, தலைநகர் சென்னையில் அடுத்து வரும் நாட்களில் நிலைமை என்னவாகுமோ? என்ற அச்சம் வாட்டுகிறது.

சென்னையில் நேற்றைய நிலவரப்படி மொத்தம் 12,203 பேர் கொரோனா வைரசால் பாதிக்கப்பட்டுள்ளனர். சென்னையின் புறநகர் மாவட்டங்களான செங்கல்பட்டில் 888 பேர், காஞ்சிபுரத்தில் 330 பேர், திருவள்ளூர் மாவட்டத்தில் 825 பேர் என சென்னை மற்றும் புறநகர் பகுதிகளில் மட்டும் 14,246 பேர் கொரோனாவால் பாதிக்கப்பட்டுள்ளனர். தமிழகத்தில் மொத்தமாக பாதிக்கப்பட்டவர்களின் எண்ணிக்கையில் இது 77% ஆகும். சென்னையில் ஏப்ரல் இறுதியில் 906 பேர் மட்டும் தான் கொரோனா நோயால் பாதிக்கப்பட்டு இருந்தனர். நேற்றுடன் முடிவடைந்த 27 நாட்களில் 11,297 பேர் புதிதாக பாதிக்கப்பட்டுள்ளனர். சென்னையின் ஒட்டுமொத்த கொரோனா பாதிப்பில் 92% நடப்பு மே மாதத்தில் தான் ஏற்பட்டுள்ளன. இந்த மாதத்தில் மொத்தம் 11 நாட்கள் 500-க்கும் மேற்பட்டோருக்கு புதிய தொற்றுகள் ஏற்பட்டுள்ளன. தமிழகத்தின் பிற மாவட்டங்களில் கொரோனா கிட்டத்தட்ட கட்டுப்படுத்தப்பட்டு விட்ட நிலையில், சென்னையை கொரோனா வைரஸ் எவ்வளவு மோசமாக தாக்கியிருக்கிறது என்பதற்கு இப்புள்ளி விவரங்களே சாட்சி.  

மருத்துவப் படிப்புகளில் அநீதி இழைக்கப்பட்ட OBC சிறப்பு ஒதுக்கீடு வழங்குக! - வைகோ வலியுறுத்தல்

மருத்துவப் படிப்புகளில் அநீதி இழைக்கப்பட்ட பிற்படுத்தப்பட்டோருக்கு சிறப்பு ஒதுக்கீடு வழங்குக! - வைகோ வலியுறுத்தல்

இளநிலை மற்றும் முதுநிலை மருத்துவப் படிப்புகளுக்கான இடஒதுக்கீட்டில் பிற்படுத்தப்பட்டோருக்கான அகில இந்திய ஒதுக்கீட்டில் ஒரு இடம்கூட ஒதுக்காமல் கடந்த நான்கு ஆண்டுகளாக மத்திய பா.ஜ.க. அரசு திட்டமிட்டே வஞ்சித்து வருகின்றது.

மாநிலங்களில் உள்ள அரசு மருத்துவக் கல்லூரிகளில் இருக்கும் இளநிலை மருத்துவப் படிப்புக்கான இடங்களில் 15 விழுக்காடும், முதுநிலை மருத்துவப் படிப்புகளுக்கான இடங்களில் 50 விழுக்காடும், அகில இந்திய தொகுப்புக்கு மத்திய அரசால் பெறப்படுகிறது. இந்த இடங்களை நிரப்பும்போது பிற்படுத்தப்பட்டோரின் அகில இந்திய ஒதுக்கீடு 27 விழுக்காட்டை ஒதுக்காமல், தொடர்ந்து மூன்று ஆண்டுகளாக பா.ஜ.க. அரசு தட்டிப் பறித்து வருகின்றது.

பட்டியல் இனத்தைச் சேர்ந்தவர்களுக்கு உரிய ஒதுக்கீடு செய்யப்படும்போது, பிற்படுத்தப்பட்டோருக்கு மட்டும் சட்டப்பூர்வ இடஒதுக்கீட்டை பா.ஜ.க. அரசு மறுத்து வருவது ஏன்?

இளநிலை மற்றும் முதுநிலை மருத்துவப் படிப்புகளுக்கான மாணவர் சேர்க்கையில், இந்த ஆண்டு இதர பிற்படுத்தப்பட்டோருக்கான இடஒதுக்கீடு புறக்கணிக்கப்பட்டுள்ளது தொடர்பாக அகில இந்திய பிற்படுத்தப்பட்டோர் ஊழியர் நலச் சங்கக் கூட்டமைப்பு சார்பில், சமூக நீதி மற்றும் அதிகாரம் அளித்தல் துறை அமைச்சகத்திலும், தேசிய பிற்படுத்தப்பட்டோர் ஆணையத்திலும் புகார் அளிக்கப்பட்டுள்ளது.

கொரோனா நோய்ப்பரவல் கட்டுக்கு அடங்காமல் இருக்கிறது; எதையும் மறைக்க நினைப்பதே மக்களுக்குச் செய்யும் மாபெரும் துரோகம். - மு.க.ஸ்டாலின்

"கொரோனா நோய்ப்பரவல் கட்டுக்கு அடங்காமல் இருக்கிறது;

எதையும் மறைக்க நினைப்பதே மக்களுக்குச் செய்யும் மாபெரும் துரோகம்; வரலாற்றில் மாபெரும் கடும்பழிக்கு இரையாகி விடாதீர்கள்" - மு.க.ஸ்டாலின்

கொரோனா நோய்த் தொற்றினைத் தடுக்கும் நடவடிக்கையின் ஒரு பகுதியாக அமல்படுத்தப்பட்டு வரும் நான்காம் கட்ட ஊரடங்கு இன்னும் இரண்டு நாட்களில் முடிவடைய இருக்கிறது. இந்நிலையில் ஊரடங்கு நீட்டிக்கப்பட இருக்கிறதா அல்லது முழுமையாக விலக்கிக் கொள்ளப்படுமா என்பதில் மத்திய - மாநில அரசுகள் தங்கள் முடிவை இன்னமும் அறிவிக்கவில்லை.

இந்திய அளவிலும் தமிழக அளவிலும் நாள்தோறும் நோய்த் தொற்றால் பாதிக்கப்பட்டவர்கள் எண்ணிக்கையும், இறப்போர் எண்ணிக்கையும், அதிகமாகிக் கொண்டேதான் போகிறதே தவிர; குறைந்த மாதிரித் தெரியவில்லை.

நோய்த் தொற்று பரவாமல் தடுப்பதற்கு, ஊரடங்கைத் தவிர வேறு வழியில்லை என்று, இதுவரை எடுத்துரைத்து வந்த இரண்டு அரசுகளும், தொற்றுப்பரவல் குறையாத நிலையில், என்ன மாதிரியான முடிவுகள் எடுக்க இருக்கிறார்கள் என்பது கேள்விக்குறியாக உள்ளது. எந்த முடிவை எடுப்பதாக இருந்தாலும் அதற்கு மக்களைத் தயார்ப் படுத்துவதும், மக்களுக்கு முன்கூட்டியே சொல்வதும், அரசாங்கத்தின் முக்கியக் கடமையாகும்.

கடைசி நிமிடம் வரைக்கும் மக்களைக் காத்திருக்க வைத்திருப்பதும், மக்களைப் பதற்றத்திலேயே வைத்திருப்பதும் மிகமோசமான செய்கைகள் ஆகும்.

எனவே, எந்த அறிவிப்பாக இருந்தாலும், அதனை அரசுகள் முன்கூட்டியே அறிவிக்க வேண்டும் என்று கேட்டுக் கொள்கிறேன்.

தமிழக அரசு – தொகுப்பூதியத்தில் பணிபுரியும் செவிலியர்களை பணி நிரந்தரம் செய்து காலமுறை ஊதியம் வழங்க நடவடிக்கை எடுக்க வேண்டும். - ஜி.கே.வாசன்

தமிழக அரசு – தொகுப்பூதியத்தில் பணிபுரியும் சுமார் 7,700 செவிலியர்களை பணி வரன் முறை செய்ய பரிசீலனை செய்து செவிலியர்களின் வாழ்வு மேம்பட வழி வகுக்க வேண்டும். - ஜி.கே.வாசன்

தமிழக அரசு – தொகுப்பூதியத்தில் பணிபுரியும் செவிலியர்களை பணி நிரந்தரம் செய்து காலமுறை ஊதியம் வழங்க நடவடிக்கை எடுக்க வேண்டும். 

கடந்த 2015 ஆம் ஆண்டில் மருத்துவ பணிகள் தேர்வாணையம் மூலம் சுமார் 11,000 செவிலியர்கள் போட்டித் தேர்வின் மூலம் ஒப்பந்த அடிப்படையில் தேர்வு செய்யப்பட்டு பணி புரிந்துவருகின்றனர். 

ஆனால் 2015 ல் பணியில் சேர்ந்த இவர்களில் இன்னும் சுமார் 7,700 பேர் பணி நிரந்தரம் செய்யப்படாமல் இருப்பதால் மன வேதனையில் இருக்கிறார்கள். அதாவது 2018 லேயே இவர்களை பணி நிரந்தரம் செய்திருக்க வேண்டும். ஆனால் கடந்த 4 ஆண்டுகளுக்கும் மேலாக குறிப்பாக 7,700 செவிலியர்களில் 70 சதவீதம் பேர் அரசு மருத்துவமனைகளிலும், 30 சதவீதம் பேர் ஆரம்ப சுகாதார நிலையங்களிலும் பணி நிரந்தரம் எப்போது என்ற எதிர்பார்ப்பில் தொடர்ந்து சேவை மனப்பான்மையோடு மக்கள் உடல்நலன் காக்கும் சுகாதாரப் பணிகளை செய்து வருகிறார்கள். 

மாற்றுக் கருத்துடையவர்கள் மீது அடக்கு முறையை ஏவிவிட்டு சித்ரவதை செய்வதை பா.ஜ.க. அரசு கைவிட வேண்டும். - வைகோ

பொய் வழக்கில் சிறையில் அடைக்கப்பட்ட

சமூகச் செயற்பாட்டாளர்களை விடுதலை செய்க! - வைகோ அறிக்கை

மராட்டிய மாநிலம் பீமாகோரேகான் வன்முறை தொடர்பாக பொய் வழக்கு புனையப்பட்டு, மும்பை பைகுல்லா சிறையில் ஓராண்டுக்கும் மேலாக அடைக்கப்பட்டுள்ள வழக்கறிஞர் சுதா பரத்வாஜ், பேராசிரியை சோமா சென் ஆகிய இரு பெண் சமூகச் செயற்பாட்டாளர்களை விடுதலை செய்ய வேண்டும் என்று நீதிபதி சையத் தலைமையிலான குழு மத்திய அரசுக்கும், மராட்டிய மாநில அரசுக்கும் கோரிக்கை வைத்துள்ளது. இது தொடர்பான கோரிக்கை மனுவில் உச்சநீதிதிமன்ற முன்னாள் நீதிபதி பி.பி.சாவந்த், வரலாற்று ஆய்வாளர் ரொமிலா தாப்பர், பேராசிரியர் அமித் பாதுரி, பொருளாதார நிபுணரும் பேராசிரியையுமான ஜெயதி கோஷ், உச்சநீதிமன்ற மூத்த வழக்கறிஞர்கள் இந்திh ஜெயசிங், காலின் கன்சால்வேஸ், சமூகச் செயற்பாட்டாளர்கள் அருணாராய், தீஸ்தா செதல்வாட், பியூசில் பொதுச்செயலாளர் சுரேஷ், மனித உரிமைப் போராளி டாக்டர் பினாயக் சென் மற்றும் சபனா ஆஷ்மி உள்ளிட்ட 656 முக்கிய ஆளுமைகள் கையொப்பமிட்டுள்ளனர்.

2018 ஜனவரி 1 இல் பீமாகோரேகானில் எல்கார் பரிசத் நடத்திய மராட்டிய பேஷ்வாக்குகளுக்கு எதிராக ஆங்கிலேய மகர் படைப்பிரிவு நடத்திய போரின் 200 ஆம் ஆண்டு விழா கொண்டாட்டங்களில் வன்முறை வெடித்தது. இந்த வன்முறைக்குக் காரணமானவர்கள் என்று வழக்குப் பதிவு செய்து வழக்கறிஞர் சுதா பரத்வாஜ், பேராசிரியை சோமாசென், கவிஞர் வரவரராவ், வெர்ணன் கன்சால்வேஸ், வழக்கறிஞர் அருண் பெரைரா உள்ளிட்டோர் கைது செய்யப்பட்டு ஓராண்டுக்கும் மேலாக சிறையில் அடைக்கப்பட்டனர்.

காவிரியை கழிவுநீர் கால்வாயாக மாற்றுவதை வேடிக்கை பார்க்கக் கூடாது. - அன்புமணி ராமதாஸ்

காவிரியில் கழிவுநீர் கலப்பு: ஆலைகள் 

மீது நடவடிக்கை எடுக்க வேண்டும்! -அன்புமணி ராமதாஸ்

தமிழ்நாட்டில் தொழிற்சாலைகளை மீண்டும் திறக்க அனுமதிக்கப்பட்டுள்ள நிலையில், ஈரோடு மாவட்டத்தில்  உள்ள பல்வேறு வகையான தொழிற்சாலைகளில் இருந்து சுத்திகரிக்கப்படாமல் திறந்து விடப்படும்  கழிவு நீர் காவிரி ஆற்றில் தொடர்ந்து கலந்து வருகிறது. சுற்றுச்சூழலுக்கும், விவசாயத்துக்கும் பெரும் பாதிப்பை ஏற்படுத்தும் இந்த அத்துமீறலை மாசுக்கட்டுப்பாட்டு வாரியம் வேடிக்கை பார்ப்பது கண்டிக்கத்தக்கது.

ஈரோடு நகரத்தையொட்டிய பகுதிகளில் செயல்பட்டு வரும் சாயப்பட்டறைகள், சலவை ஆலைகள், அச்சு தொழிற்சாலைகள் போன்றவற்றிலிருந்து வெளியேற்றப்படும் கழிவு நீர் சுத்திகரிக்கப்படாமல் காவிரி ஆற்றில் கலக்கவிடப்பட்டு வந்தது. இதை தடுக்க வேண்டும் என்று பலமுறை வலியுறுத்தப்பட்ட போதும் சட்டவிரோதமாக காவிரி ஆற்றில் கழிவுகள் கலக்க விடப்பட்டு வந்தன. கொரோனா வைரஸ் பரவலைத் தடுப்பதற்காக பிறப்பிக்கப்பட்ட ஊரடங்கின் காரணமாக அனைத்து தொழிற்சாலைகளும் மூடப்பட்டதால், காவிரியில் கழிவு நீர் கலப்பது முடிவுக்கு வந்தது. காவிரி ஆறும் தூய்மையடைந்தது.

ஊரடங்கு விதிகள் தளர்

பறிக்கப்பட்ட 10,000 இடங்களை OBC மாணவர்களுக்கு சிறப்பு ஒதுக்கீடாக வழங்கவும் மத்திய அரசு நடவடிக்கை எடுக்க வேண்டும். - DR.S.ராமதாஸ்

மருத்துவக் கல்வி: பறிக்கப்பட்ட 10,000 இடங்களை 

பிற்படுத்தப்பட்ட பிரிவுக்கு சிறப்பு ஒதுக்கீடாக வழங்க வேண்டும்!

 - DR.S.ராமதாஸ்

இளநிலை மற்றும் முதுநிலை மருத்துவப் படிப்புக்கான அகில இந்திய தொகுப்பு இடங்களில் பிற பிற்படுத்தப்பட்ட வகுப்பினருக்கான 27% இட ஒதுக்கீடு நடைமுறைப்படுத்தப்படாததால் அப்பிரிவைச் சேர்ந்த 10,000 மாணவர்கள் மருத்துவக் கல்வி பயிலும் வாய்ப்பை இழந்திருப்பது குறித்து விளக்கம் அளிக்கும்படி மத்திய அரசுக்கு தேசிய பிற்படுத்தப்பட்டோர் ஆணையம் அறிவிக்கை அனுப்பியுள்ளது.

தேசிய பிற்படுத்தப்பட்டோர் ஆணையத்தில் பிற பிற்படுத்தப்பட்ட பணியாளர்கள் சங்கங்கள் சார்பில் அளிக்கப்பட்ட புகார் மனுவின் பேரில் இந்த நடவடிக்கையை ஆணையம் மேற்கொண்டுள்ளது. கடந்த 3 ஆண்டுகளாக அகில இந்திய ஒதுக்கீட்டுக்கான இடங்களில் பிற பிற்படுத்தப்பட்ட வகுப்பினருக்கான   27% இடஒதுக்கீடு தொடர்ந்து மறுக்கப்பட்டு வருவதாகவும், அதனால் இளநிலை & முதுநிலை மருத்துவப் படிப்புகளில் பிற பிற்படுத்தப்பட்ட வகுப்பினருக்கு கிடைக்க வேண்டிய சுமார் 10,000 இடங்கள் பறிக்கப் பட்டிருப்பதாகவும் கூறப்படும் குற்றச்சாட்டுகளில் முகாந்திரம் இருப்பதாக ஆணையம் தெரிவித்துள்ளது. இந்த விசாரணையின் முடிவில் பெரும் திருப்பம் ஏற்படும் என்று ஆணைய அதிகாரிகள் கூறியுள்ளனர்.

தமிழர்களை விமானம், கப்பல் வழியாக உடனடியாக தமிழகம் அழைத்துவர போர்க்கால அடிப்படையில் நடவடிக்கைகள் எடுக்க வேண்டும் என கேட்டுக் கொள்கிறேன். - கே.எஸ். அழகிரி

கொரோனா தொற்றுநோய் உலகம் முழுவதும் பரவி அனைத்து நாடுகளையும் கடுமையாக பாதித்து வருகிறது. குறிப்பாக வளைகுடா நாடுகளில் பணியாற்றுகின்ற புலம்பெயர்ந்த தொழிலாளர்கள் கொரோனா நோயை எதிர்த்து போராடி வருகிறார்கள். மறுபக்கம் வேலைவாய்ப்பை இழந்து, வாழ்வாதாரத்தை துறந்து, கடுமையான பாதிப்பில் சிக்கிக் கொண்டிருக்கிறார்கள். வளைகுடா நாடுகளில் ஏறத்தாழ 85 லட்சம் இந்தியர்கள் அங்கே பல நிறுவனங்களில் பணியாற்றி வருகிறார்கள். கொரோனா நோயினால் பாதிக்கப்பட்ட அந்த நாட்டை சேர்ந்தவர்களுக்கு வழங்கப்படுகிற மருத்துவ சிகிச்சையை புலம்பெயர்ந்த தொழிலாளர்களுக்கு வளைகுடா நாடுகளின் அரசுகள் வழங்குவதில்லை. இதில் பெரும்பாலானவர்கள் சவூதி அரேபியாவில் வாழ்ந்து வருகிறார்கள். இவர்களில் பெரும்பாலான தமிழர்கள் தமிழகம் திரும்பவேண்டும் என்று விரும்புகிறார்கள்.

சவூதி அரேபியாவிலிருந்து தமிழர்களை அழைத்து வர விமான சேவையை எதிர்பார்த்து புலம்பெயர்ந்த தொழிலாளர்கள் காத்துக்கொண்டிருக்கிறார். வெளிநாடுகளில் சிக்கித் தவிக்கும் இத்தகைய இந்தியர்கள் தாயகம் திரும்ப ஏதுவாக, இந்திய அரசு வந்தே பாரத் திட்டத்தை அறிவித்து நடைமுறைப்படுத்தியுள்ளது.

ஊரடங்கை நீட்டிப்பதினால் எவ்வித உருப்படியான பலனும் கிடைக்காது; மக்கள் தாங்களே உணர்ந்து, தங்களைக் கட்டுப்பாடான நியதிகளுக்கு உட்படுத்திக் கொள்ளவேண்டும். - கி.வீரமணி

திராவிடர் கழகத் தலைவர் கி.வீரமணி அறிக்கை

மேலும் மேலும் ஊரடங்கை நீட்டிப்பதினால்

எவ்வித உருப்படியான பலனும் கிடைக்காது !

மாநில அரசு செயல்படவேண்டும் !

 மத்திய அரசு ஒருங்கிணைப்போடு நிற்கவேண்டும்!

இந்திய நாட்டு அளவிலும், நமது மாநிலமான தமிழ்நாட்டு அளவிலும், வெளி மாநிலங்களான மகாராட்டிரம், குஜராத் போன்ற பல மாநிலங்களிலும் நாளுக்கு நாள் கரோனா பாதிப்புக்குள்ளானவர்களின் எண்ணிக்கை விஷம்போல் ஏறிக்கொண்டே இருக்கிறது. தொடர்ந்து மூன்று ஊரடங்குகளுக்குப் பிறகும்கூட அது குறைந்தபாடில்லை. இது அனைத்துத் தரப்பு மக்களுக்கும் பெரும் கவலையளிக்கிறது. முழுக்க முழுக்க அறிவியல் - உளவியல் ரீதியாக அணுகவேண்டிய ஒரு தீர்வு - தடுப்பு முறைகளுக்குப் பதிலாக, மத்திய அரசு, ‘‘கைதட்டுங்கள்,  பால்கனியில் விளக்கு ஏற்றுங்கள்’’ என்றெல்லாம் கூறியது.

நமது மாநில முதலமைச்சர் உள்பட பலர் இதனைப் பின்பற்றத் தவறவில்லை. ‘லாவணிக் கச்சேரி’களுக்கு இது நேரமும் அல்ல; தேவையும் இல்லை!

என்றாலும்,  கரோனா நோய்த் தொற்று நாளும் இப்போது மேலும் மேலும் மிக அதிகமாகியுள்ள நிலையில், மத்திய அரசின் சுகாதாரத் துறையின் பேச்சாளர்கள், ‘‘கரோனாவுடன் வாழ்ந்து தீர நாம் பழகிடவேண்டும்; வாழ்ந்து தீருவதைத் தவிர வேறு வழியில்லை’’ என்று கைபிசைந்த நிலையில் கூறினாலும், மருத்துவப் பரிசோதனைக் கருவிகளையும், சோதனைக் கூடங்களையும் அதிகப்படுத்தி வருவது நம் மக்களுக்கு சற்று ஆறுதலையும், நம்பிக்கையையும் ஊட்டக் கூடியவையாகவும் உள்ளது. சமூகப் பரவல் ஏற்பட்டுள்ளதா, இல்லையா என்றெல்லாம் விவாதங்கள் நடத்திக்கொண்டிருக்கத் தேவையில்லை. அதுபோலவே அது எங்கிருந்து பரவியது? எப்படி? யார் யார் கூட்டிய பெருங்கூட்டத்தால் நடந்தது என்று பரஸ்பர புகார்கள், ‘லாவணிக் கச்சேரி’களுக்கு இது நேரமும் அல்ல; தேவையும் இல்லை!

இப்போது அவசரத் தேவை சரியான தடுப்பும், உரிய நிவாரணமுமே ஆகும்! இனி நடப்பவைகள் நல்லவைகளாகட்டும்!

நாட்டில் உள்ள அனைத்துக் கட்சியினர், தரப்பினர், எதிர்க்கட்சி - ஆளுங்கட்சி- கட்சிக்கு அப்பாற்பட்டவர்கள் என்ற பேதாபேதமின்றி கலந்துரையாடி, கண்ணுக்குத் தெரியாத ஒரு கிருமியுடன் நடத்தும் தொடர் போரின் ஒரு சிறந்த கூட்டு முயற்சியாக நடத்திட போதிய முயற்சிகளுக்கான சரியான இணைப்பு இல்லாதது வேதனைப்பட வேண்டியதும், விசாரத்திற்குரியதும் ஆகும்!

‘‘நடந்தவைகள் நடந்தவைகளாகட்டும்

இனி நடப்பவைகள் நல்லவைகளாகட்டும்!’’

சிறு, குறு, நடுத்தர தொழில் நிறுவனங்கள் உற்பத்தியைத் தொடங்க உதவிடுவீர்! - வைகோ

சிறு, குறு, நடுத்தர தொழில் நிறுவனங்கள்

உற்பத்தியைத் தொடங்க உதவிடுவீர்!

மத்திய, மாநில அரசுகளுக்கு வைகோ வலியுறுத்தல்

கொரோனா பொது முடக்கத்தால் கடந்த மூன்று மாதங்களாக மூடப்பட்டுக் கிடந்த சிறு, குறு, நடுத்தர தொழில் நிறுவனங்களை 17 தொழிற்பேட்டைகளில் திறப்பதற்கு தமிழக அரசு அனுமதி அளித்துள்ளது. ஆனால் இந்நிறுவனங்களை உடனடியாகச் செயல்படுவதற்கு பல்வேறு நெருக்கடிகள்ஏற்பட்டு இருக்கின்றன.

25 விழுக்காடு பணியாளர்களுடன் சிறு, குறு, நடுத்தர தொழிற்சாலைகளை இயக்கலாம் என்று அறிவித்துள்ள தமிழக அரசு, கொரோனா பரவல் உள்ள சிவப்பு மண்டலத்தில் தனிமைப்படுத்தப்பட்டுள்ள பகுதிகளில் வசிக்கும் தொழிலாளர்கள் பணிக்குச் செல்ல தடை விதித்துள்ளது. 55 வயதுக்கு மேல் உள்ள தொழிலாளர்களையும், பணியில் ஈடுபடுத்தக் கூடாது என்றும் உத்தரவிடப்பட்டுள்ளது.

சிறு, குறு, நடுத்தர தொழில் நிறுவனங்கள் உடனடியாக இயங்குவதற்கு உள்ள தடைகள் குறித்து தி இந்து ஆங்கில நாளேட்டுக்கு (25.05.2020) அளித்தப் பேட்டியில், சென்னை திருமுடிவாக்கம் தொழில்பேட்டை உற்பத்தியாளர்கள் சங்கத்தின் செயலாளர் செல்வம், “பீகார், மேற்கு வங்கம், ஜார்கண்ட், ஒடிசா, மகாராஷ்டிரா மாநிலங்களிலிருந்து இங்கு பணியில் இருந்த 1500 புலம்பெயர்ந்த தொழிலாளர்கள் தங்கள் சொந்த ஊருக்கு புறப்பட்டுவிட்டனர். தென் மாநிலங்களில் இருந்து வந்து தங்கி பணிபுரிந்த அனுபவம் வாய்ந்த தொழிலாளர்க்ள பணிக்கு இன்னும் திரும்ப முடியவில்லை. எனவே தொழிலாளர் பற்றாக்குறையில் தொழிற்சாலைகளை மீண்டும் இயக்க முடியவில்லை” என்று தெரிவித்து இருக்கிறார்.

மோட்டார் வாகன ஆவணங்கள் காலாவதிக் காலத்தை நீட்டிப்பு செய்யும் முடிவுக்குப் பரவலான வரவேற்பு

மோட்டார் வாகன ஆவணங்கள் காலாவதிக் காலத்தை நீட்டிப்பு செய்யும் முடிவுக்குப் பரவலான வரவேற்பு

பல்வேறு மோட்டார் வாகன அனுமதிகளுக்கான தாமதக்கட்டணம் மற்றும் இதரக் கட்டணங்கள் வரும் ஜூலை 31 வரை வசூலிக்கப்படமாட்டாது என மத்திய சாலைப்போக்குவரத்து மற்றும் நெடுஞ்சாலை அமைச்சகம் உத்தரவு பிறப்பித்துள்ளது. கொரோனா தொற்று காரணமாக அமல்படுத்தப்பட்டுள்ள ஊரடங்கால், போக்குவரத்து அலுவலகங்களை அணுகி, மோட்டார் வாகனக் கட்டணங்களைச் செலுத்த முடியாமல் இருக்கும் மக்கள் இதனை வரவேற்றுள்ளனர். அத்தியாவசியப் பொருள்களின் விலைவாசியைக் கட்டுக்குள் வைத்திருப்பதில், லாரிகள் மற்றும் சரக்கு வாகனங்களின் பங்கு மிகவும் முக்கியமானதாகும். கொவிட்-19 பரவல் இல்லாத மண்டலங்களில் இருந்து பொருள்களை ஏற்றிக்கொண்டு, மிக மோசமாகப் பாதிக்கப்பட்டுள்ள இடங்களுக்கு செல்லும் லாரி ஓட்டுநர்கள் தங்கள் உயிரையும் பொருட்படுத்தாது இந்தப் பணியில் ஈடுபட்டுள்ளனர். மாநிலங்களின் எல்லைகளில் உள்ள சோதனைச் சாவடிகளில், சோதனைக்கு எந்தவிதமான தளர்வும் இல்லை. இதனால், ஓட்டுநர்கள் அவ்வப்போதைய நிலவர விவரத்தை அறிந்திருக்க வேண்டியுள்ளது.

பிப்ரவரி 1-ஆம் தேதியிலிருந்து காலாவதியான மோட்டார் வாகன ஆவணங்களை புதுப்பிப்பதற்கான கால அவகாசத்தை ஜூன் 30 வரை நீட்டிக்கும் அரசின் முடிவு, லாரி ஓட்டுநர்களுக்கு ஆறுதல் அளிக்கும் விஷயம் என லாரி ஓட்டுநர் ஒருவர் கூறியுள்ளார். இந்த உத்தரவை, செயல்படுத்தும் அதிகாரிகளுக்குத் தெரியப்படுத்த வேண்டும் என்றும் , அப்போதுதான் இதனை முழுமையாகச் செயல்படுத்த முடியும் என்றும் அவர் கூறினார்.

குவைத்தில் சிக்கியுள்ள தமிழர்களை தாயகம் அழைத்து வர இந்திய வெளியுறவுத்துறை இன்று வரை எந்த நடவடிக்கையும் எடுக்காதது மிகவும் ஏமாற்றம் அளிக்கிறது.

குவைத் முகாமில் தமிழர்கள் மீது தடியடி

போராட்டம் - விரைந்து மீட்க வேண்டும்! - DR.S.ராமதாஸ்

குவைத் பொதுமன்னிப்பு முகாமில் உணவு வழங்கப்படாததற்கு எதிர்ப்பு தெரிவித்த தமிழர்கள் உள்ளிட்ட இந்தியர்கள் மீது அந்நாட்டு காவல்துறையினர் தடியடி நடத்தியுள்ளனர். மற்றொருபுறம் நோய்ப்பரவல் அதிகரித்து வரும் நிலையில், குவைத்தில் சிக்கியுள்ள தமிழர்களை தாயகம் அழைத்து வர இந்திய  வெளியுறவுத்துறை இன்று வரை எந்த நடவடிக்கையும் எடுக்காதது மிகவும் ஏமாற்றம் அளிக்கிறது.

குவைத் நாட்டில் கொரோனா வைரஸ் வேகமாக பரவி வரும் நிலையில், அங்கு உரிய ஆவணங்கள் இல்லாமல் தங்கியிருந்த 12 ஆயிரத்திற்கும் மேற்பட்ட இந்தியர்களுக்கு பொதுமன்னிப்பு வழங்கப்பட்டு, தாயகத்திற்கு அனுப்பத் தயாராக முகாம்களில் தங்க வைக்கப்பட்டுள்ளனர். குவைத் நாட்டின் மாங்காஃப் (Mangarf) என்ற இடத்தில் உள்ள ஆண்களுக்கான முகாம்களில் தங்க வைக்கப்பட்டுள்ளவர்களில் பலருக்கு நேற்றிரவு உணவு வழங்கப்படவில்லை. இதை அதிகாரிகளின் கவனத்திற்கு கொண்டு சென்ற சிலர், தங்களுக்கு உணவு வழங்க வேண்டும் என்று குரல் எழுப்பியதாகக் கூறப்படுகிறது. இதையடுத்து  தமிழர்கள் உள்ளிட்ட 20-க்கும் மேற்பட்டோர் மீது காவல்துறையினர் தடியடி நடத்தியதாகவும், இதில் ஆந்திரத்தை சேர்ந்த ஒருவருக்கு மண்டை உடைந்து காயம் ஏற்பட்டதாகவும் கூறப்படுகிறது. மேலும் உணவு கிடைக்கவில்லை என்று புகார் கூறியவர்கள் அனைவரும் தனிமைப்படுத்தப்பட்டு, முட்டி போட வைத்து, அவமானப்படுத்தப்பட்டதாகவும்  அங்கிருந்து கிடைக்கும் செய்திகள் தெரிவிக்கின்றன.

சமூகப் பொருளாதாரம் மற்றும் சமய நோக்கில் உத்தரகாண்ட்டில் உள்ள ரிஷிகேஷ்-தராசு-கங்கோத்ரி சாலை மிக முக்கிய பங்கு வகிக்கிறது - நிதின் கட்கரி

சார்தாம் பரியோஜனா திட்டத்தின் கீழ் சம்பா சுரங்கப்பாதையை மத்திய அமைச்சர் திரு.நிதின் கட்கரி தொடங்கி வைத்தார்

மத்திய சாலைப் போக்குவரத்து, நெடுஞ்சாலைத்துறை மற்றும் சிறு, குறு, மற்றும் நடுத்தர தொழில்துறை அமைச்சர் திரு.நிதின்கட்கரி, சார்தாம் பரியோஜனா திட்டத்தின் கீழ் கட்டப்பட்ட சம்பா சுரங்கப்பாதையை காணொலிக் காட்சி மூலம் இன்று தொடங்கி வைத்தார். ரிஷிகேஷ் - தராசு தேசிய நெடுஞ்சாலையில் (NH94) பரபரப்பான சம்பா நகருக்கு கீழே 440 மீட்டர் நீளத்தில் சுரங்கப் பாதை அமைக்கும் முக்கிய மைல்கல் இலக்கை எல்லை ரோடுகள்  நிறுவனம் (BRO) சாதித்துள்ளது. கோவிட்-19 அச்சுறுத்தல் மற்றும் தேசிய அளவிலான முடக்கம் ஆகியவற்றுக்கு இடையே இந்த சுரங்கப்பாதை பணி முடிக்கப்பட்டுள்ளது. இலகுவான மண் அமைப்பு, தொடர் நீர் கசிவு, சுரங்கப்பாதைக்கு மேலே பெரிய கட்டிடங்கள், வீடுகள் இடியும் வாய்ப்பு, நிலம் கையகப்படுத்துதல் பிரச்னை, கோவிட் முடக்க கட்டுப்பாடுகள் போன்றவற்றை கடந்து  இந்த சுரங்கப்பாதை கட்டப்பட்டது சவாலான பணி ஆகும்.

கலைஞர் மு.கருணாநிதி அவர்களின் பிறந்தநாளை உதவிகள் செய்ய உகந்த நாளாக திராவிட முன்னேற்றக் கழக தோழர்கள் மாற்றிக்காட்ட வேண்டும்" - மு.க.ஸ்டாலின்

"சூன் 3: கலைஞர் மு.கருணாநிதி அவர்களின் பிறந்தநாளை உதவிகள் செய்ய உகந்த நாளாக திராவிட முன்னேற்றக் கழக தோழர்கள் மாற்றிக்காட்ட வேண்டும்" - மு.க.ஸ்டாலின் 

தரணியில் மூத்த, தனிப்பெரும் தமிழினத்தின் தகத்தகாய சூரியனாம் முத்தமிழறிஞர் கலைஞர் அவர்களின் பிறந்தநாள் சூன் 3. இந்த ஆண்டு 97-வது பிறந்தநாளாகும். இன்னும் மூன்று ஆண்டுகளில் நம் முத்தான தலைவரின்,  நூற்றாண்டு விழாவைக் கொண்டாட இருக்கிறோம். திருவாரூர் - திருக்குவளையில் பிறந்து, தீந்தமிழ்நாட்டுக்காகவே தன் வாழ்நாள் முழுவதையும் அர்ப்பணித்து, 95 ஆண்டுகள் வரை இனத்துக்காகவும், மொழிக்காகவும், நாட்டுக்காகவும், கால் நகம் தேய நடந்து நடந்து, கை நகம் தேய எழுதி எழுதி இமயம் போலக் குவித்து, இன்றைய தினம் பேரறிஞர் அண்ணா அவர்களின் அருகே வங்கக் கடலோரம் வாழ்நாளில் கிட்டாத ஓய்வினை மேற்கொண்டிருக்கிறார், அந்த ஓய்வறியா உதயசூரியன்!

ஒவ்வோர் ஆண்டும் முத்தமிழறிஞர் கலைஞர் அவர்களின் பிறந்தநாளை நாம் கொண்டாடுவது என்பது, தலைவரைப் போற்றிப் பாராட்டுவதற்காக மட்டுமல்ல; அவர் செய்து வைத்த அளப்பரிய சாதனைகளுக்கு நாம் செலுத்தும் நன்றியின் காணிக்கையாகத்தான் அத்தகைய பிறந்தநாள் விழாக்களைக் கொண்டாடி, குதூகலம் கொண்டோம்!

சுலபமான முறையில் கடன் வழங்கும் வங்கிகள் அல்லாத நிதி நிறுவனங்களை வலுப்படுத்தும் வகையில் அரசு பணியாற்றி வருவதாக திரு. நிதின் கட்கரி தெரிவித்தார்.

சிறு தொழில் பிரிவுகளுக்கு கடன் வழங்கும் புதிய நிதி நிறுவனங்களை அரசு தேடி வருகிறது - திரு. நிதின் கட்கரி

சிறு தொழில் நிறுவனங்களுக்கு நிதி ஆதாரம் வழங்கும் புதிய கடன் அளிக்கும் நிதி நிறுவனங்களை மத்திய அரசு தேடி வருவதாக மத்திய சிறு, குறு, நடுத்தரத்தொழில் , சாலைப் போக்குவரத்து மற்றும் நெடுஞ்சாலைத்துறை அமைச்சர் திரு. நிதின் கட்கரி கூறியுள்ளார். சிறு தொழில் பிரிவுகளுக்கு தற்போதைய நிலையில், சுலபமான முறையில் கடன் வழங்கும் வங்கிகள் அல்லாத நிதி நிறுவனங்களை வலுப்படுத்தும் வகையில் அரசு பணியாற்றி வருவதாக திரு. கட்கரி தெரிவித்தார்.

சிறு, குறு, நடுத்தரப் பிரிவுத் தொழில்கள் மீது கொவிட்-19 தொற்றின் தாக்கம் குறித்து கொல்கத்தா வர்த்தக சபை உறுப்பினர்கள் இடையே, காணொளி வாயிலாக உரையாற்றிய அவர், சவால்களைச் சமாளிக்க எடுக்கப்பட்ட நடவடிக்கைகள் பற்றி தெரிவித்தார்.

உறுப்பினர்கள் இடையே உரையாற்றிய திரு. கட்கரி, கொவிட்-19 தொற்றுக்கு எதிராகவும், அதனால் ஏற்பட்டுள்ள நிலையற்ற பொருளாதாரத் தன்மைக்கு எதிராகவும் போராட்டம் மேற்கொண்டுள்ள நமக்கு இது சோதனையான காலம் என்று குறிப்பிட்டார்.

மேற்குவங்கத்தில் நிவாரணம் மற்றும் சீரமைப்புப் பணிகளின் முன்னேற்றம் குறித்து மத்திய அரசு ஆய்வு.

மேற்குவங்கத்தில் உம்பான் சூறாவளி புயல் தாக்குதலில் பாதிக்கப்பட்ட பகுதிகளில் நிவாரண மற்றும் சீரமைப்பு நடவடிக்கைகளைத் தொடர்ந்து ஒருங்கிணைத்து வரும், மத்திய அமைச்சரவைச் செயலர் திரு ராஜீவ் கௌபா தலைமையிலான தேசிய நெருக்கடி நிலை மேலாண்மைக் கமிட்டி (என்.சி.எம்.சி.) நான்காவது முறையாக இன்று கூடியது.

மேற்குவங்கத்தில் சூறாவளியால் பாதிக்கப்பட்ட பகுதிகளை விமானத்தில் இருந்து பார்வையிட்ட பிறகு பிரதமர் திரு மோடி அறிவித்தபடி ரூ.1000 கோடி உதவித் தொகை ஏற்கெனவே மாநிலத்துக்கு ஒதுக்கீடு செய்யப்பட்டுள்ளது.

நிவாரண மற்றும் சீரமைப்புப் பணிகளுக்கு உதவியமைக்காக மத்திய அரசுக்கு மேற்குவங்கத் தலைமைச் செயலாளர் நன்றி தெரிவித்துள்ளார். மின்சார விநியோகம், தொலைத் தொடர்பு கட்டமைப்புகளை சீரமைப்பதற்கு முன்னுரிமை அளிக்கப்பட்டுள்ளது. பெரும்பாலான பகுதிகளில் தொலைத்தொடர்பு சேவை மீண்டும் அளிக்கப்பட்டுள்ளது. உள்ளூர் மின்விநியோகக் கட்டமைப்பு சேதம் காரணமாக சில பகுதிகளில் முழுமையாக மின்சார விநியோகம் பாதிக்கப் பட்டுள்ளது. மின் கட்டமைப்பை சீர் செய்யும் பணிகளில், அருகில் உள்ள மாநிலங்களில் இருந்து வந்துள்ள குழுக்களும், மத்திய அரசின் குழுக்களும் ஈடுபட்டுள்ளன.

ஆந்திரப் பிரதேசத்தின் உதயகிரிக்கு குடிநீர் திட்டத்துக்கான சாத்தியங்கள் பற்றி எம்.வெங்கையா நாயுடு இன்று ஆலோசனைக் கூட்டம் நடத்தினார்.

ஆந்திரப் பிரதேசத்தின் உதயகிரிக்கு குடிநீர் திட்டத்துக்கான சாத்தியங்கள் பற்றி ஆராய ஜல் சக்தி அமைச்சகம் மற்றும் நிதி ஆயோக் அமைப்பை குடியரசு துணைத் தலைவர் கேட்டுக் கொண்டார்.

நிதி ஆயோக் தலைமை நிர்வாக அதிகாரி திரு. அமிதாப் காந்த், குடிநீர் மற்றும் சுகாதாரத்துறை செயலாளர் திரு. பரமேஸ்வரன் ஐயர், நீர் வளங்கள், நதி மேம்பாடு மற்றும் கங்கா புதுப்பிப்பு செயலாளர் திரு யு.பி.சிங் ஆகியோருடன் குடியரசு துணைத் தலைவர் திரு எம்.வெங்கையா நாயுடு இன்று ஆலோசனைக் கூட்டம் நடத்தினார். அதில் ஆந்திரப் பிரதேசத்தின் நெல்லூர் மாவட்டத்தில் உள்ள வறட்சி பகுதியான உதயகிரியின் குடிநீர் மற்றும் நீர்ப்பாசனத் தேவைகளை நிறைவேற்றும் பல்வேறு வழிகள் குறித்து ஆலோசிக்கப்பட்டது. இப்பகுதி மக்களின் கவலைகளை, கூட்டத்தினருடன் குடியரசு துணைத் தலைவர் பகிர்ந்து கொண்டார்.

தற்போது குடியரசு துணைத் தலைவராக இருக்கும் திரு. வெங்கையா நாயுடு, உதயகிரி தொகுதியில் இருந்துதான் கடந்த 1978ம் ஆண்டில் முதன் முறையாக சட்டமன்ற உறுப்பினராக தேர்வு செய்யப்பட்டார்.  அப்பகுதி மக்களை, குடியரசு துணைத் தலைவர் அண்மையில் சந்தித்துப் பேசினார். அவர்களின் நலன் குறித்து விசாரித்த போது, உதயகிரி பகுதியில் நிலத்தடி நீர் வறண்டு விட்டதாகவும், குளங்கள், ஆழ்குழாய் கிணறுகள் வறண்டு விட்டதாகவும், பல்வேறு நீர் விநியோகத் திட்டங்கள், நீர் தேவைகளை முழுமையாக நிறைவேற்றவில்லை எனவும் குடியரசு துணைத் தலைவரிடம் அவர்கள் தெரிவித்தனர். தொடர்ச்சியாக 7வது ஆண்டாக இப்பகுதியில் போதிய அளவுக்கு மழைப்பொழிவு இல்லை என அவர்கள் தெரிவித்தனர்.  கிருஷ்ணா வடிகால் மற்றும் சோமசீலா திட்டத்தில் இருந்து உதயகிரிக்கு நீர் கொண்டு வரும் வழிகளைக் கண்டறிய வேண்டும் என அவர்கள் திரு. வெங்கையா நாயுடுவிடம் வேண்டுகோள் விடுத்தனர்.

அரசு முகமைகளின் கோதுமை கொள்முதல் 341.56 மெட்ரிக் டன்களை எட்டிவிட்டது. கடந்தாண்டு அளவை மிஞ்சியது

அரசு முகமைகளின் கோதுமை கொள்முதல் கடந்தாண்டு அளவை மிஞ்சியது

கோவிட்-19 பரவல் காரணமாக ஏற்பட்ட தடைகள், நாடு முழுவதுமான முடக்கம் ஆகியவற்றை வென்று, அரசு முகமைகளின் கோதுமை கொள்முதல் கடந்தாண்டு அளவான 341.31 லட்சம் மெட்ரிக் டன்களை தாண்டி, 24.05.2020ம் தேதி அன்று 341.56 மெட்ரிக் டன்களை எட்டிவிட்டது.  கோதுமை அறுவடை வழக்கமாக மார்ச் இறுதியில் தொடங்குகிறது. இதன் கொள்முதல் ஒவ்வொரு ஆண்டும் ஏப்ரல் முதல் வாரம் தொடங்குகிறது. ஆயினும், 24 மற்றும் 25.03.2020ம் தேதி நள்ளிரவு முதல் நாடு முழுவதும் அமல்படுத்தப்பட்ட முடக்கத்தால், அனைத்து செயல்பாடுகளும் ஸ்தம்பித்தன. அப்போது கோதுமை நன்கு விளைந்து அறுவடைக்குத் தயாராக இருந்த்து. இதைக் கருத்தில் கொண்டு, முடக்க காலத்தில் வேளாண்மை தொடர்பான பணிகளைத் தொடங்க மத்திய அரசு தளர்வுகளை வழங்கியது. கோதுமை கொள்முதல் மாநிலங்கள் பலவற்றில், கொள்முதல் 15.04.2020ம் தேதி தொடங்கியது. ஹரியானாவில் கொள்முதல் சற்று தாமதமாக 20.04.2020ம் தேதி தொடங்கியது.

தேசிய ஊரக வேலை உறுதித் திட்டத்தின் கீழ் வேலை வழங்கப்படும் நாட்களின் எண்ணிக்கையை 200 நாட்களாக மத்திய அரசு உயர்த்த வேண்டும் - DR.S. ராமதாஸ்

வாழ்வாதாரத்திற்கு ஏங்கும் மக்கள்: ஊரக 

வேலை நாட்களை 200-ஆக உயர்த்துக! - DR.S. ராமதாஸ்

தமிழ்நாடு தொடர்பாக வெளியாகியிருக்கும் இரு புள்ளி விவரங்கள், இனி வரும் நாட்களில் தமிழகத்தில் வேலைவாய்ப்பு நிலைமை எப்படி இருக்கும் என்பதை படம் பிடித்துக் காட்டியிருக்கின்றன. அந்த புள்ளி விவரங்கள் காட்டும் சூழலை புரிந்து கொண்டு, மக்களின் வாழ்வாதாரத்தை அரசு உறுதி செய்ய வேண்டும்.

தமிழ்நாட்டில் கடந்த பிப்ரவரி, மார்ச் மாதங்களில் உருவாக்கப்பட்ட புதிய வேலைவாய்ப்புகள் தொடர்பான  புள்ளிவிவரங்களை மத்திய அரசு வெளியிட்டுள்ளது. வருங்கால வைப்பு நிதி திட்டத்தில் சேர்க்கப்பட்ட  புதிய பணியாளர்களின் எண்ணிக்கையின் அடிப்படையில் புதிய வேலைவாய்ப்புகள் கணக்கிடப்பட்டுள்ளன. அதன்படி பிப்ரவரி மாதத்தில் மொத்தம் ஒரு லட்சத்து 32,499 வேலைவாய்ப்புகள் உருவாக்கப்பட்டுள்ளன. ஆனால், மார்ச் மாதத்தில் 58,948 வேலைவாய்ப்புகள் மட்டும் தான் ஏற்படுத்தப்பட்டுள்ளன. மார்ச் மாதத்தில்  மட்டும் புதிய வேலைவாய்ப்புகள் 56% குறைந்திருப்பதை இந்த புள்ளிவிவரங்கள் காட்டுகின்றன. ஏப்ரல் மாதத்திலும், மே மாதத்தில் இன்று வரையிலும் கொரோனா வைரஸ் பரவலைத் தடுப்பதற்கான ஊரடங்கு கடுமையாக நடைமுறைப்படுத்தப்படுவதாலும், தொழில் நிறுவனங்கள் அதிகபட்சமாக 33% ஊழியர்களுடன்  இயங்கி வருவதாலும் புதிய வேலைவாய்ப்புகள் உருவாக்கப்பட்டிருக்க வாய்ப்புகள் இல்லை. அடுத்த சில மாதங்களிலும் அமைப்பு சார்ந்த துறைகளில் புதிய வேலைவாய்ப்புகள் உருவாக்கப்படாது என்பதே எதார்த்தம்.

காவிரி டெல்டா மாவட்டங்களில் கால்வாய் தூர்வாரும் பணிகளைப் போர்க்கால அடிப்படையில் முழுமையாக நிறைவேற்றிட வேண்டும்.- மு.க.ஸ்டாலின்

"ஜூன் 12 அன்று மேட்டூர் அணை திறக்கப்பட வேண்டிய நிலையில், தூர்வாரும் பணிகளை அறிவித்துள்ள அதிமுக அரசு; முறைகேடுகளுக்கு இடம்தராமல் - கடைமடை வரை பயன்படும் வகையில் போர்க்கால அடிப்படையில் பணிகளை நிறைவேற்ற வேண்டும்" -  மு.க.ஸ்டாலின் 

“இந்தியாவிலேயே முதன்முதலாக  அனைத்து விவசாயிகளுக்கும் இலவச மின்சாரம் வழங்குகின்ற ஒரே ஒரு ஆட்சி, அதை அறிமுகப்படுத்திய ஆட்சி, திராவிட முன்னேற்றக் கழக ஆட்சிதான்” - இவை, முத்தமிழறிஞர் கலைஞர் அவர்கள் தமிழ்நாடு சட்டமன்றத்தில் நடைபெற்ற நிதி நிலை அறிக்கை மீதான விவாதத்தில், 06-04-1998 அன்று பதிவு செய்துள்ள பொன் முழக்க வரிகள். அதுமட்டுமின்றி, கூட்டுறவுக் கடன்களை அனைத்து விவசாயிகளுக்கும் முதன்முதலில் தள்ளுபடி செய்த ஆட்சியும் கழக ஆட்சிதான்.

விவசாயிகளின் மேம்பாட்டுக்காகவும், தமிழ்நாட்டின் வேளாண் தொழில் வளர்ச்சிக்காகவும், ஒட்டுமொத்த இந்தியாவிற்கும் முன்னோடியாகத் தமிழ்நாட்டில்தான் திராவிட முன்னேற்றக் கழக ஆட்சியில், தொலைநோக்குத் திட்டங்கள் பல நிறைவேற்றப்பட்டு - விவசாயிகளுக்கு உதவும் கரங்களாக விளங்கியது. ஆனால் இன்றைக்கு “தும்பை விட்டு வாலைப்பிடிப்பது” போல், ஜூன் 12-ஆம் தேதி மேட்டூர் அணை திறக்கப்படும் என்று அறிவித்துவிட்டு - இப்போது தூர் வாரும் பணிகளை அறிவித்திருக்கிறது அ.தி.மு.க. அரசு. காவிரி டெல்டா மாவட்டங்களில் குறுவை சாகுபடிக்கு ஜூன் மாதத்தில் அணை திறக்கப்படும் - அதற்குரிய நீர் இருப்பு அணையில் இருக்கிறது என்பது இந்த அரசுக்கு முன்கூட்டியே தெரிந்திருந்தும்- அது பற்றி பொதுப்பணித்துறை அமைச்சராக உள்ள முதலமைச்சர் எடப்பாடி திரு. பழனிசாமி கண்டுகொள்ளவும் இல்லை; கவலைப்படவும் இல்லை. மாறாக நெடுஞ்சாலைத் துறையில், எப்படி கொரோனா காலத்திலும் டெண்டர் விடுவது - அந்த டெண்டரில் எப்படி ‘ரேட்டை’ உயர்த்திப் போட்டு ஊழலுக்கான ஊற்றுக்கண்ணை மேலும் பெருக்கிக் கொள்வது  – என்பன போன்றவற்றில் மட்டுமே தீவிரக் கவனம் செலுத்தி வந்தது, தற்போது உயர்நீதிமன்ற விசாரணைக்கே போய் விட்டது.

சிற்பத் தொழிலில் ஈடுபட்டுள்ள தொழிலாளர்களுக்கும் நிவாரணம் வழங்க வேண்டும்! - தொல்.திருமாவளவன்

சிற்பத் தொழிலில் ஈடுபட்டுள்ள தொழிலாளர்களுக்கும் நிவாரணம் வழங்க வேண்டும்! தமிழக அரசுக்கு 

விடுதலைச் சிறுத்தைகள் கட்சி கோரிக்கை! - தொல்.திருமாவளவன்

வரலாற்றுப் புகழ்வாய்ந்த மாமல்லபுரம் மற்றும் அதன் சுற்றுப்புறமுள்ள பகுதிகளில் சுமார் 2ஆயிரம் சிற்பக் கலைஞர்கள் சிற்பத் தொழிலில் ஈடுபட்டு வருகின்றனர். தற்போது கொரோனா நோய்த்தொற்றுப் பேரிடர் காரணமாக சுற்றுலா பயணிகளின் வருகை இல்லாததாலும், கோயில்களில் திருப்பணிகள் நிறுத்தப்பட்டு இருப்பதாலும் சிற்பக் தொழிலில் ஈடுபட்டுள்ள கலைஞர்கள் அனைவருமே வருமானமின்றிக் கடுமையாகப் பாதிக்கப்பட்டுள்ளனர். அவர்களை அமைப்புசாரா தொழிலாளர்களாகக் கருதி நிவாரணம் வழங்க உரிய நடவடிக்கை எடுக்குமாறு மாண்புமிகு தமிழக முதல்வர் அவர்களை விடுதலைச் சிறுத்தைகள் கட்சியின் சார்பில் கேட்டுக்கொள்கிறோம். 

இந்திய பொருளாதார பேரழிவிலிருந்து மக்களை மோடி அரசால் காப்பாற்ற முடியாது. - கே.எஸ்.அழகிரி

மனித இனம் இதுவரை காணாத வகையில் கொரோனா தொற்று காரணமாக அச்சம் பீதியால் மக்கள் வாழ்ந்து வருகிறார்கள். இன்னொரு பக்கம் வேலைவாய்ப்பு, வருமானத்தை இழந்து வாழ்வாதாரமே மிகப்பெரிய கேள்விக் குறியாகிவிட்டது. இந்நிலையில் பிரதமர் மோடி 136 கோடி மக்களுக்கு மொத்த உள்நாட்டு மதிப்பில் 10 சதவிகிதமான ரூபாய் 20 லட்சம் கோடி தொகுப்பு நிவாரண திட்டத்தை அறிவித்தார். அந்த திட்டத்தின் விவரங்களை நிதியமைச்சர் நிர்மலா சீதாராமன் நான்கு கட்டங்களாக வெளியிட்டார். அறிவிக்கப்பட்டது ரூ 20 லட்சம் கோடி நிவாரண திட்டமல்ல; அனைத்து அறிவிப்புகளையும் கணக்கிட்டால், ரூபாய் 1 லட்சத்து 86 ஆயிரத்து 650 கோடி தான் மத்திய அரசுக்கு நிதிச்சுமை ஏற்படும் என்று நிதியமைச்சரின் அறிவிப்பை ஆய்வு செய்த பொருளாதார வல்லுநர்கள் கூறியிருக்கிறார்கள். உண்மையில் மொத்த உள்நாட்டு உற்பத்தியில் இது 0.91 சதவிகிதமே தவிர 10 சதவிகிதம் அல்ல. இதனால் நாட்டு மக்களிடையே பெருத்த ஏமாற்றமும், எதிர்காலம் குறித்து கடும் அச்சமும் ஏற்பட்டுள்ளது.

நாட்டில் நிலவும் அசாதாரண சூழலின் காரணமாக 13 கோடி 50 லட்சம் பேர்கள் வேலையிழக்கும் நிலை ஏற்பட்டுள்ளது. நடப்பாண்டின் வளர்ச்சி விகிதம் 1 சதவிகிதத்திற்கு கீழே பூஜ்ஜியத்தை நோக்கி சென்று கொண்டிருக்கிறது. இதனால், நாட்டு மக்களில் எவரும் பாதிக்கப் படாதவர்களே இல்லை என்ற நிலை ஏற்படப் போகிறது.  இந்நிலையில் மத்திய அரசின் முக்கிய திட்டங்கள் எதிர்பார்த்த பலனை தராமல் மக்களை கடுமையாக பாதித்து வருகின்றன.

பிரதமரின் வேலை வாய்ப்பு உருவாக்கும் திட்டம், தீனதயாள் அந்தியோதயா யோஜ்னா-தேசிய நகர்ப்புற வாழ்வாதார திட்டம் போன்றவற்றில், முதன்மையான வேலை வாய்ப்பு உருவாக்கம் மற்றும் வேலை வாய்ப்புகள் இந்த நிதியாண்டில் கடுமையாக குறையும் என நாடாளுமன்றத்தில் மத்திய தொழிலாளர் மறறும் வேலைவாய்ப்பு அமைச்சகம் தாக்கல் செய்த தரவுகளில் தெரிவிக்கப்பட்டுள்ளது.

டிஜிட்டல் இந்தியா முன்முயற்சிகளுக்குக் கிடைத்திருக்கும் வெற்றி, ஏழை மற்றும் வளரும் நாடுகளுக்கு கிடைத்துள்ள நம்பிக்கை

பிரதமர் திரு நரேந்திர மோடியின் டிஜிட்டல் இந்தியா முன்முயற்சிகளுக்குக் கிடைத்திருக்கும் வெற்றி, ஏழை மற்றும் வளரும் நாடுகளுக்கு கிடைத்துள்ள நம்பிக்கை: காமன்வெல்த் பொதுச் செயலர்

பிரதமர் திரு நரேந்திர மோடி தலைமையிலான இந்திய அரசால் முன்னெடுக்கப்பட்ட டிஜிட்டல் இந்தியா முன்முயற்சியின் வெற்றியை ஊக்கப்படுத்தியுள்ள காமன்வெல்த் பொதுச் செயலாளர் பேட்ரிசியா ஸ்காட்லாந்து, இந்த முன்முயற்சிக்காக தனது பாராட்டுதல்களை தெரிவித்துக் கொண்டார். வளரும் மற்றும் வளரத் துடிக்கும் மற்ற காமன்வெல்த் நாடுகளுக்கு இது புதிய நம்பிக்கையை உருவாக்கியுள்ளது என்று அவர் கூறினார்.

குறைந்த செலவில் டிஜிட்டல் சேவைகள் அளிப்பதன் மூலம், மக்களின் உயர் விருப்பங்களைப் பூர்த்தி செய்ய புதுமைச் சிந்தனை மற்றும் வாய்ப்புகளை அளிப்பதற்கு இந்தியா மேற்கொண்டிருக்கும் முயற்சிகள் பாராட்டுக்குரியவை என்று, சமீபத்தில் தனியார் செய்தித் தொலைக்காட்சிக்கு அளித்த பேட்டியில் பேட்ரிசியா கூறியுள்ளார். ``நமது ஏழை நாடுகளை, சிறிய, வளரும் நாடுகளைப் பார்த்தால், வளர்ந்த நாடுகளைப் பார்த்து தங்களால் அப்படி உருவாக முடியாதோ என்று அவை அஞ்சுகின்றன. இதற்கு அதிக செலவாகும் என கருதுகின்றன. ஆனால் இந்தியாவில் கட்டுபடியாகும் செலவுக்குள் இந்த விஷயங்கள் சாதிக்கப்பட்டுள்ளன என்பதை அறிவது நம்பிக்கை தருவதாக உள்ளது'' என்று அவர் குறிப்பிட்டுள்ளார்.

குப்பை கொட்டக்கூட லாயக்கில்லாத அரசு என்ற குற்றச்சாட்டையாவது குறைந்தபட்சம் மாற்றி; பாதுகாப்பான முறையில் எச்சரிக்கையாகக் குப்பைகளை அகற்றவும்.- மு.க.ஸ்டாலின்

"மருத்துவக் கழிவுகளைப் பாதுகாப்பான முறையில் அகற்றுவதோடு; ஒவ்வொரு நாளும் மருத்துவக் கழிவுகள் அறிவியல்ரீதியாக அழிக்கப்பட்ட விவரங்களை தமிழ்நாடு மாசுக் கட்டுப்பாட்டு வாரிய இணையதளத்தில் வெளியிட வேண்டும்" - மு.க.ஸ்டாலின்

கொரோனா நோய்த் தொற்றைத்  தடுப்பதில், தொடக்கம் முதலே அலட்சியத்தையும் சுணக்கத்தையும் காட்டிவரும் எடப்பாடி திரு. பழனிசாமி அரசின் தொய்வான நடவடிக்கைகளால், மேலும் மேலும் நோய்த் தொற்றுப் பரவல் ஏற்பட்டு, பாதிப்புக்கான சூழல்கள் அதிகரிப்பதுடன், நோய்த் தொற்றால் பாதிக்கப்பட்டவர்களுக்கு சிகிச்சையளித்து உயிர்காக்கும் மருத்துவத் துறையினரையும், மன உளைச்சலுக்கு ஆளாக்கும் போக்கு தொடர்ந்து கொண்டிருக்கிறது.

மருத்துவர்களும் செவிலியர்களும் அர்ப்பணிப்பு உணர்வுடன் கடந்த 60 நாட்களுக்கும் மேலாக அயராமல் பணியாற்றிக் கொண்டிருக்கிறார்கள். ஆனால், தீவிர சிகிச்சைப் பிரிவில் 395 நோயாளிகளுக்கு ஒரு ஷிஃப்ட்டில் 26 செவிலியர்கள் மட்டுமே பணிபுரியும் சூழலின் காரணமா, அதிக வேலைப்பளுவினை சுமக்கும் கட்டாயத்திற்கும் மன உளைச்சலுக்கும் ஆளாகிறார்கள். அதுமட்டுமின்றி, இரவு பகல் பார்க்காமல் தொடர்ச்சியாகப் பணியாற்றும் செவிலியர்கள் குடியிருக்கும் வாடகை வீடுகளிலும் சிக்கல்கள் எழுகின்றன. அதனால் குடும்பத்தினரைப் பிரிந்து, மருத்துவமனையிலேயே தனித்திருக்க வேண்டிய நெருக்கடியும் உருவாகியுள்ளது.

கொவிட்-19 பற்றிய அண்மைத் தகவல்கள்

கொவிட்-19 தடுப்பு, கட்டுப்படுத்துதல் மற்றும் மேலாண்மைக்காக முன்னெச்சரிக்கை மற்றும் செயல்மிகு அணுகுமுறை மூலம், மாநிலங்கள்/யூனியன் பிரதேசங்களுடன் இணைந்து இந்திய அரசு நடவடிக்கைகளை எடுத்து வருகிறது. கொவிட்-19 மேலாண்மை முயற்சிகள் உயர்மட்ட அளவில் தொடர்ந்து ஆய்வு செய்யப்பட்டு, கண்காணிக்கப்பட்டு வருகின்றன.

பிரத்யேக கொவிட் சுகாதார மையமாக செயல்பட்டு வரும் தில்லியில் உள்ள சவுத்ரி பிரம்ம பிரகாஷ் ஆயுர்வேத் சரக் சன்ஸ்தானில், கொவிட்-19 பாதிப்புகளின் மேலாண்மைக்கான தயார் நிலையை மத்திய சுகாதார, குடும்ப நல அமைச்சர் திரு. ஹர்ஷ்வர்தன் இன்று பார்வையிட்டார். பல்வேறு வசதிகள் மற்றும் வார்டுகளைப் பார்வையிட்ட அவர், ஆயுஷ் அமைச்சகத்தின் வழிகாட்டுதல்களின் படி ஒருங்கிணந்த அணுகுமுறை மூலம் கொவிட்-19 நோயாளிகளுக்கு அளிக்கப்பட்டு வரும் சிகிச்சையை நேரடியாகப் பார்வையிட்டார்.